منجھوی شوری ئِ نندوکاں کشتئُُ کشاری زمین ئِ سرا قبضہ ئِ ھلاپ دیمپانی ایراد کرت

میرواہ ڈرگ ئَ 640 ایکڑ زمین ئِ سرا پیسریگیں گورنر ئِ برات ئَ قبضہ کرتگ، ھبر

کوئٹہ نصیر آباد ئِ علاقہ منجھوی شوری ئِ نندوکاں کشتئُُ کشاری زمین ئِ سرا قبضہ ئِ ھلاپ چارشمبے ئَ محمد رحیم منجھوئُُ لیاقت علی منجھو ئِ سروکی کوئٹہ پریس کلب ئِ دیمپانی ایراد کرت،ایرادیان ئَ بینرز دست ئَ اتاں کہ ایشی ئِ سرا اوگام نبشتہ انت۔ایرادیاں گوں گشتانک دیان ئَ محمد رحیم منجھوئُُ لیاقت علی منجھو ئَ گشت کہ تمبو ئِ یونین کونسل منجھو شوری ئِ ھداں میرواہ ڈرگ ئَ مئے 640 ایکڑ زمین ئِ سرا پپیسریگیں گورنر ئِ برات ئَ سے سال ئَ چہ قبضہ کرتگ ات۔ ما بازیں رنداں پیسریگیں گورنر ئِ گور ئَ شتگ انتئُُ آئی ئِ گور ئَ گلگ گپتگ انت بلے ہچ نہ بوتگئُُ آئی ئِ برات ئَ زمینانی سرا سلہ بندیں مردم نادینتگ انتئُُ آ مارا زمینانی نیمگ ئَ روگ ئَ نئیل انت۔آئی ئَ گشت کہ مئے کشتئُُ کشاری زمینانی سرا قبضہ ئَ چہ ما چنڈ ئے نان ئَ واستیگ بوتگ انت۔آئی ئَ پیسریگیں گورنر بلوچستان نواب ذوالفقار علی مگسی ئَ چہ دزبندی کرت کہ آ مئےئُُ وتی برات ئِ میان ئَ بلوچی دودئُُ ربیدگانی ردا فیصلہ بہ کنتئُُ مارا انصاف بہ پجارینیت داں کہ مئے داد رسی بوت بہ کنت ما سدک انت کہ آ مارا انصاف پجارین انت۔