بنجاہی تہی کارانی وزیر چوہدری نثار علیءَ اسمبلیءَ تران کنانءَ گشتگ 21 جونءَ سول آرمڈ فورسءِ ھواریں دیوانءَ ملکءِ نوکیں سیکورٹی پالیسی گڈی دروشم دئیگ بیت کہ ایشیءِ بنجاہی کابینہ ءَ چہ منظوریءَ پد جار جنئگ بیت۔ ایمنیءِ واستہ اے گپےءِ ہچ پرواہ ءَ نہ کنیں کہ کسے ناراض بہ بیت۔ آئیءَ گشتگ منی واھگ انت کہ اے ایوان ھم ناراض مہ بیت۔ سرکار پارلیمنٹءِ ھواریں کولبندانی سرا عمل کنائینگءُ ھمک اڑاند کہ کیت ھواریءَ اوشتیں ملکءِ پھریزگءُ امنءُ ایمنیءِ حوالہءَ چہ سیاست کنگءَ گناہے سرپد باں بلوچستانءِ ٹپاں درمان کنیں۔ آئیءَ گشتگ فاٹا خیبر پختونخواہءَ ھوار ملکءَ جہمنندیں ھمک مردمءِ جانءُ مالءِ تحفظءَ یقینی جوڑ کنیں۔
امنءُ ایمنیءِ برجاہ دارگءِ واستہ ھمک وڑیں سیاستءَ چہ برز بوھگءُ بنجاہی سرکار تیوگیں صوبہانی ھمک دروشمءَ کمکءَ کنت۔ زیارتءُ بولان میڈیکل کمپلیکسءِ سرا ارشانی حوالہءَ چہ قومی اسمبلیءَ پالیسی بیان دیانءَ چوہدری نثار علیءَ گشتگ باز زوت زیارت وئیلءِ رپورٹ ایوانءِ دیما آرگ بیتءُ ھواریں ٹیم رپورٹءَ چیر نہ دنت۔ پٹءُ پولءَ اے گپءِ حیال دارگ بیت کہ سلاہ بندیں مردماں ملکءِ تہا کسے ءِ کمک وا گون نہ انت۔ تہی کارانی وزیرءَ گشتگ قائد اعظم ریذیڈنسیءِ سرا ارشءِ پٹءُ پولءِ سرا جوائنٹ انویسٹی گیشن ٹیمے جوڑ کنگ بوتگ۔ ارشءَ 3ءَ چہ 4 ارش کار ھوار بوتگ انت۔ آئیءَ گشتگ زیارتءِ دمگ بلوچستانءِ پر ایمنیں دمگاں چہ انتءُ اودا جرم نہ بوھگءِ برابرءَ انت۔ ارشءِ روچءَ ریذیڈنسیءِ 2 چوکیدار ساڑی نہ بوتگ انت۔ چوہدری نثارءَ گشتگ دوئیں چوکیدار بہ سلاہ بوتگ انت۔ چوکیدارانی ردا تراک 11ءَ چہ 11ءُ نیمءِ ساھتءَ بوتگ۔ ایشیءَ ابید کوئٹہ یونیورسٹیءِ بسءَ بمب تراکءِ حوالہءَ چہ چوہدری نثارءَ گشتگ بسءَ زالبولےءَ وت کشیں ارش کتگ۔ بولان میڈیکل کمپلیکسءَ ساریءَ تراکءُ رندا تیر گواری بوتگ۔
No comments:
Post a Comment