نواب اسلم رئیسانی یکیں ملنگیں مردمے اَت، ئُُ آئی ئَ درائیں باسک ٹہینت اَنت

ڈاکٹر مالک ئِ وزیری ثناءاللہ زہری ئِ پنجگ ئَ اِنت، نیشنل پارٹی باسکاں وزیر کنگ لوٹیت

کوئٹہ نواب اسلم رئیسانی ئَ انچیں عادت ئُُ روایت بلوچستان ئِ سرکار ئَ ایر کت باز مشکلیں زوتاں زوت اے عادت ئُُ روایت ئَ بلوچستان اسمبلی ئِ نوکیں ئُُ آہوکیں باسک ئُُ پارٹی یلہ بدئینت نواب اسلم رئیسانی ملنگ مردے اَت۔ پی پی ئِ 5اسمبلی ئِ باسک اتنت بنجاہ ئَ پی پی ئِ سرکار جوڑ بوہگ ئَ ات۔ پمیشکا دگہ گل ئَ باسکاں ہمے سلاہ کت نواب رئیسانی ئَ ما وتی سروزیر بلوچستان ئِ کرسی ئِ سرا نہ دئیں۔ بگندئے فنڈ مرعات ئُُ آسریاتی پرما آرت کت کنت ئُُ تیوگیں اسمبلی ئِ باسک وزیر باں ئُُ نواب صاحب ئَ تیوگیں اسمبلی ئِ باسک وتی کابینہ ئِ وزیر کت انت اے وزیرانی واستہ محکمہ نیست ات بلے نواب رئیسانی ئَ درہ باسک ٹاہینت وش کت داں 5سال پُریں عیش ئُُ نوبتاں گوں گوست بلوچستان ئِ جنجال ئُُ بزگیں مہلوک آئیئَ پرچیا کہ کار بکنت ڈاکٹر مالک ئِ واستہ جنجال ادا 10سری انت، چیا کہ نواز شریف ئَ باز لیلا ئُُ منت سردار ثناءاللہ زہری ٹہینت ئُُ ٹہت ڈاکٹر مالک بلوچ ئِ نیشنل پارٹی ئِ کمان ئَ واک وزیر دارگ ئِ اختیار ثناءاللہ زہری ئِ دست ئَ پنجگ ئَ انت، باسک بے وزیری ئَ پیم نہ بنت وزیر نہ بنت پروٹوکول نہ بیت بیرک والا گاڑی نہ رسیت فنڈ ئُُ اے دگہ آسریاتی کم بنت نواب رئیسانی ئَ اے شرکنی ہر کسی دنتانی کنڈا داتگ۔ بگندئے سروزیر بلوچستان ئِ مالک بلوچ واہش بوت کنت کہ وزیر کم بہ بنت نواب اسلم رئیسانی ئِ وڑا جمبو کابینہ ئِ مہ ٹاہینت تیوگیں مہلوک ئِ زر مہلوک ئِ سرا کارمرز بہ بنت، بلے اے باسکاں کئے داریت پہ وزیری ئَ مسلم لیگ (ن) وتی درسیں باسکاں وزیر جوڑ کنت۔ نیشنل پارٹی وتی باسکاں ہم وزیر جوڑ کنگ ئَ چوں پشت ئَ بیت گمان ہمے کنگ بیت تیوگیں باسک پدا وزیری ئِ پاگ سرا کننت ئُُ ڈاکٹر مالک ئِ گشتانک ئُُ وعدہ ایوکا وعدہ بنت بلوچستان ئِ مہلوک ئَ دپ بیچاریت۔