ھالتاک ئُُ میگزین ئِ گیش بوہوکیں معاشی جیڑہ ئُُ آئیئِ گیش گیوار کنگئَ بے تہمبلی

بلوچستان شونکار کونسل اشتہارانی مدد ئَ 40درسد گیشی کتگ، بلے وزیر خزانہ ئَ بجٹ تہا شمار نہ کتگ

کوئٹہ (پ ر) بلوچستان ایڈیز کونسل ئِ صدر نعمت اللہ اچکزئی ئَ صوبہ ھالتاک ئُُ میگزین ئِ گیش بوہوکیں معاشی جیڑہ ئُُ آئیئِ گیش گیوار کنگئَ بے تہمبلی باز پگر مندی درشان کتگ ئُُ صوبائی حکومت ئَ چہ لوٹ کتگ کہ اشتہارانی مد ئَ روتاک ئُُ میگزینانی اشتہارانی زراں زوت بدنت کہ روتاکانی جاور سک باز نگیگ انت ئُُ مزنیں کساسے ئَ روتاکی نوکری بے کاری ئِ حطرہ ہست انت مرچی جاری کتگیں جارے ردا محکمہ تعلقات ما گوستگیں چار پنچ روتاکانی بلانی پےمنٹ نہ کتگ آئیئَ سرکار ئَ لوٹ کتگ کہ اشتہارانی زراں گرانٹ ئِ شکل زوت بدنت تاکہ اے جیڑہ زوت گیش ئُُ گیوار بہ بیت، بلوچستان شونکار کونسل اشتہارانی مدد ئَ 40درسد گیشی کتگ سارگیں صوبائی سرکار ئَ اے کلدارانی دیگ ءرضا مند بوتگ وزیر خزانہ گوستگیں بجٹ ئَ اے اعلان کت بلے اپسوز زر شمار کنگ نہ بوتاں آئیئَ چہ ساری بجٹ تعلقات عامہ ھلاس کتگ۔ آہاں لوٹ کتگ 40درسد گیش کلدار ئَ نوکیں بجٹ ہوار بکن ئے دانکہ اے جنجال بہ ٹہنت محکمہ تعلقات ڈی جی آر ئُُ سیکریٹری حالرسانی پوسٹ ھورک انت آہاں لوٹ کتگ زانتکار ئُُ کواس ئُُ میرٹ ئِ مردمے بیار انت۔