شہید علی جان ئُُ شہدائے جون ئِ یات جھاﺅ ئَ یک مزن مچھی دیوانے، بی ایس او آزاد

بلوچ شہیدانی واہش ئُُ لوٹ وتی راج ئَ چہ ظلم ئُُ جبراں آجوئی کنگ ئِ واستہ اِنت، ھبر

جھاﺅ (پ ر) بلوچ اسٹوڈنٹس آرگنائزیشن ئِ نیمگ ئَ شہید علی جان ئُُ شہدائے جون ئِ یات جھاﺅ ئَ یک مزن مچھی بنگیج کنگ بوت اے مچھی ئَ زہگ ئُُ زالبول ئَ ابید لس مہلوک ئَ مزنیں کساسے ئَ بہر زرت، اے مچھی ئَ بی ایس او آزاد ئِ بنجاہی چیئرمین بلوچ خان بنجاہی وائس چیئرمین بانک کریمہ بلوچ ئُُ بی این ایم ئِ مزن کارگشاد ڈاکٹر منان ئَ ابید دگہ بازیں بی ایس او آزاد ئِ راہ دربراں گشتانک دات بی ایس او آزاد ئِ راہ دربراں گشتانک دات بی ایس او آزاد ئِ بنجاہی چیئرمین بلوچ خان ئَ گشت بلوچ شہیدانی واہش ئُُ لوٹ وتی راج ئِ ظلم ئُُ جبر ئَ آجوئیئُُ وشھالی ئِ واستہ انت بلوچ راج ئِ وڑا بازیں دگہ راج آجوئی ئِ جہد ئَ کنگ ئَ انت، آجوئی ئُُ وشھالی زندمان ئِ مکسد ئُُ مراد اے راجانی انت آ کہ آجوئی ئِ واستہ وتی زندمان ئَ قربان کنگ ئَ انت مرچی بلوچ راج وتی آجوئی ئِ واستہ جنگ کنگئَ انت آئی ئَ ہلاسی ئَ پاکستان وتی توجیل ئَ دز گٹ انت پاکستان ئَ بنگالیانی گوما چے کتگ، پاکستان ئَ ملک جوڑ کنگ بنگالیانی مزنیں کردے ھست ات بلے پاکستان ئِ آجوئی ئِ لوٹ گڑا پاکستان ئَ 30لاکھ بنگالی جت ئُُ کشت بلوچستان پاکستان ئِ واستہ بنگلہ دیش ئَ چہ گیش ارزشت داریت آ آجوئی ئِ دارگ ئَ باز ترند ئُُ ترسناکیں جہد کنت بلوچ راج ئَ گچین کاری پہک ئَ بے سوب کت انت مرچی آجوئی ئِ ہر بلوچ ئِ لوگ ئَ اتکگ مجید بزنجو ئُُ خیر جان ئَ کس پجانیاریت علی جان شہید یک مردمے نہ تحریک ئِ نام انت، بلوچاں یکجاگہ بہ بیت چیا کہ شمئے دژمن ئُُ بدواہ یک جاگہہ انت بی ایس او آزاد ئِ سینئر وائس چیئرمین بانک کریمہ ئَ مچھی ئِ دیم ئَ تران کنان گشت مرچی بلوچ راج ئِ شمار ہما راج ئَ بیت کہ آ وتی اوبادگانی ئُُ آہوکیں پدریچ ئَ پہ آجوئی ئُُ وشحالی ئِ پہ وتی بلوچ ریاست ئِ جہد کنگ ئَ انت بلوچ راج مرچی قربانی دیگ ئَ انت یک جہدے کنگ ئَ انت دنیا زانگ ئَ انت کہ بلوچ راج قربانی دنت ظلم سگیت بلے دژمن ئِ دیم چوں لگور ئَ سر جہل نہ کنت گچین کاریانی ناکامی بلوچ جنز ئِ مستریں سوب مندی انت بلوچ راج ئَ گچین کاریاں بہر نہ زرت اے پیغام دات کہ تئی گوما نہ انت بلوچ زالبول ہم جہد ئَ ہوار انت مارا اے آجوئی ئِ جنگ ئَ وتی کرد ادا کنگ ئِ موہ رستگ مارا ایشی ئِ واستہ جاڑی بوہگی انت بلوچستان کجام سردار ئُُ نواب ئِ ملکیت نہ انت، بلوچستان غریب ئُُ شپانک ئیگ انت کہ آہاں ایشی ئِ واستہ وتی ھون ریتکگ انت بلوچستان ہماوانی میراث انت کہ آ انوں تکلیف در درنج ئُُ مشکل سگگ ئَ انت مارا جہد کنگی انت مشکل ئُُ تکلیف برداشت کنگی انت ئُُ قربانی دئیگی انت، بی این ایم مزن کارگشاد ڈاکٹر منان گشت دگنیا ہمے کجام جاگہ آجوئی ئُُ انقلاب ئِ گپ بہ بیت ناکو خیر بخش شہید علی جان ئِ ہم نام گرگ بیت وہدیکہ راج ئَ قربانی دئیگ ئِ جوش ہست چکاں ہست آئیئَ غلام کس کت نہ کنت اے راج ئِ راج دپتر ھلاس نہ بیت۔