ہژدہمیئِ بدلی ئَ بلوچستان ئَ معدن ئِ حق کہ رستگ انت

کوئٹہ کماش وزیر بلوچستان ڈاکٹر عبدالمالک بلوچ ئَ گشتگ کہ پیپلز پارٹی ئِ سینیٹر رضا ربانی ئَ ہژدہمی بدلی ئِ منگئُُ آئی ئِ مسودہ جوڈ کنگ ئِ ھاترا ہما جہد کہ کنگ بوتگ انت،ما آہانی منت وار انتئُُ آئی ئِ اے جہد ئِ سوب ئَ چہ بلوچستان ئَ را باز پائدگ بوتگ اگاں سنیٹر رضا ربانی ہژدہمی بدلی جوڈ کنگ ئِ کمیٹی ئَ نہ بوتگ انت گڈا بوت کنت کہ ہژدہمی بدلی منگ بوتگ انتئُُ نہ بلوچستان ئِ بازیں جیٹہ گیشئُُ گیوار بوتگ انت اے ھبر آئی ئِ چارشمبےئِ روچ سروزیر سیکرٹریٹ ئَ اھوالکاراں گوں گپئُُ تران کنان ئَ گشت انت۔آئی ئَ گشت کہ من سنیٹر رضا ربانی ئِ منت واراں کہ آئی ئَ کوئٹہ ئَ اتک مئے گون ئَ سرجمی ئَ تپاکی درشان کرتئُُ کمک ئِ سدکی دات۔آئی ئَ گشت کہ امیت انت کہ آﺅکیں ہم اے وڈ یں نزیکیں برجاہ بنت۔آئی ئَ گشت کہ اے وھداں بلوچستان ئَ را ہما معدن ئِ حق کہ رستگ انت ایشاں چہ سینیٹر رضا ربانی ئِ بازیں عمل دخل است انت کہ ایشی ئِ سرا ما آئی ئِ منت وار انت۔