سندھ سرکارءَ سرکاری کاردرانی پگاراں 10ءَ چہ 15 درسد گیش کنگءِ جار جتگ
سندھ سرکارءَ سرکاری کاردرانی پگاراں 10ءَ چہ 15 درسد گیش کنگءِ جار جتگ۔ سندھءِ سر وزیر قائم علی شاہءَ سندھ اسمبلیءَ مالی سال 14-2013ءِ بجٹ پیش کنانءَ گشتگ کہ گریڈ 1ءَ چہ 16ءِ کاردارانی پگاراں 15 درسد ءُ گریڈ 16ءَ چہ برزءِ کاردرانی پگاراں 10 درسد گیش کنگءِ شورءُ صلاح کنگ بوتگ۔ وانگءُ زانگءِ شعبہءِ واستہ 185 ارب کلدار گیشنگ بوتگ انت۔ پولیسءِ کار کردگیءَ گہتریءِ واستہ 89 ملین ءُ امن ءُ ایمنیءِ واستہ 48 ارب کلدار ایر کنگ بوتگ۔ سندھ سرکارءَ 20 ہزار پولیس کارندہانی بھرتی کنگ ھم جار جتگ۔ سید قائم علی شاہءَ بجٹ گشتانکءَ گشتگ کہ بجٹءَ وسیلہانی گیشءَ چہ گیش کار مرز کنگءِ سرا زور دئیگ بوتگ
دانکہ مھلوکءَ گیشءَ چہ گیش آسراتی دئیگ بہ بیت۔ آئیءَ گشتگ کہ سندھ دیمروئی کنت گڑا پاکستان دیمروئی کنت۔ نواز شریفءِ مینڈیٹ مننگ بوتگ واھگ ھمیش انت کہ ھواری کار کنگ بہ بیت۔ قائم علی شاہءَ سندھءَ 1 لکھءُ نیم نوکری دئیگ ھم جار جتگ۔
No comments:
Post a Comment