سردار بہادر خان ویمن یونیورسٹی ءَ بوتگیں تراک ءَ 20 ءَ چہ گیش بیران
کوئٹہ ءَ سردار بہادر خان ویمن یونیورسٹی ءِ بس ءَ بوتگیں تراک ءِ سبب ءَ 20 ءَ چہ گیش جنئکیں نودربر بیران ءُ 30 ءَ چہ برز ٹپی بوتگ انت ۔ تراک ءَ رند ٹپی بولان میڈیکل اسپتال ءَ دوا ءُ درمان ءَ برگ بوتگ انت کہ اود ءَ ہم ایمرجنسی وارڈ ءَ تراک ءُ تیر گواری بوتگ۔ ٹپی ایں نودربراں 3 ءِ جاور نگیگ گشگ بوہگ ءَ انت۔ پولیس ءِ ردا تراک ہما وھد ءَ بوتگ کہ بہادرخان یونیورسٹی ءِ نودربر چھٹی ءَ رند لوگ ءَ روگ ءِ واستہ بس ءَ سوار بوتگ انت ۔تراک ءَ رند بس بن گپتگ۔ فائربریگیڈ ءِ کار داراں آس توستگ ءُ ایف سی ءُ پولیس ءِ کارندہ وئیل جاہ ءَ سر بوتگ انت کمکی کار بندات کتگ انت۔
No comments:
Post a Comment