سرکار سرکاری نوکرانی پگارئَ 10درس دئَ گیش بکنت،لینئِ گر ئُُ چیل ئِ ہلاسی ئَ سرکار جوانیں پروگرامے دیما بیاریت: اسمبلی باسکانی تران
اسلام آباد(این این آئی) قومی اسمبلی ئَ ہلاپ گلئِ باسکاں بجٹئِ سر باز ایراد گپت۔بجٹئَ آسراتی ئِ ابید ٹیکسانی گیشیئَ گرانی بار مہلوکئِ کوپگئَ لڈگ بوہگئَ انت۔بلے سرکاری بنچئِ سرئِ نندوکیں باسک گشنت کہ سرکارئَ تباہئُُ بربادیں معشیت یے پشتی رستگ ۔ہمے سببئَ گرانیں ئُُ ترندیں پیسلہ سرکار کنگا کپت۔مہلوکئِ ہمرائی ئَ سرکار ہم قربای دئیگ ئَ ساجو انت۔پوریا گر ئُُ گریب مردم ئِ زندمانئِ گہتریئِ واستہ جوانیں پیسلہ کنگ بیت،سرکاری حرچئُُ درچئَ ئُُ من وزیر یئِ دستئِ چیرئِ بزاں وتی جندئِ بجٹ فنڈ ہم کتگ انت قومی اسمبلی ئَ نوکیں سال 2013-14ئِ بجٹ ئِ گپئُُ تران بوت ۔آئی ئِ سرکار ئِ ہلاپ گل ئِ باسکاں بہر زرت۔مولانا محمد خان شیرانی ئَ گشت بجٹ سرمایہ دارانہ بجٹ ات بے نظیر انکم سپورٹ پروگرام سود ئِ سرا ہلائینگ بوہگ ئَ انت اتحادی سپورٹ وتی مردمانی کُشگ ئُُ جنئگ ئَ مارا رسگئَ انت ۔مارا بیم کاری ئَ چہ ڈن ئَ درآہگی انت ڈرون اُرشاں ما ایر جنیں۔سرمایہ دارانہ بجٹ ئَ لس مہلوک گہتری کدی ہم نئیت انت بنجاہی وزیر رتنویر حسینئَ گشت ہلاپ گل ئِ بجت ئِ سرا ایراد بے مکسد انت ہلاپ گلئَ بجٹ ئِ سرا جوانیں سوج ئُُ پنت دئیگی انت نیکہ ایراد ئُُ ایراددگہ ہچ اائی ئَ گشت سرکار ئِ تباہ ئُُ بربادی ئِ سبب ترندیں ئُُ مشکلیں پیسلہ کتگ گریب مہلوکئِ زندمانئَ الم گہتری کیت ئُُ آرگ بیت اائی ئَ گشت گریبانی واستہ سرکار کم نہادیں گس جوڑ کنت ورناہانی واستہ فنڈ ایر کنگ بوتگ۔پی پی ہر دورئَ سرکاری کرسیئَ نندیت ادراہاں بربادئُُ تباہ کنت ۔کے پی کے ئِ گوستگیں سروزیر اکرم دُرانیئَ گشت اگاں نوکیں ٹیکس ئِ گرگ ہژدری انت گڑا بنجاہ ئُُ سرکار ہوار بہ بنت گرانی ئَ بدارنت مزن وزیر ئِ فنڈ کم کنگ بوتگ انت باز وشیں گپے بلے ایشی ئِ سرا عمل کنگ وَ بہ بیت ۔مزن وزیر ڈنّی ترئُُ تاب ئَ بالی گراب ئَ پُر مکنت ئُُ باسکاں مہ بارت پی پی ئِ ایاز سومرو ئَ گشت بجٹ مہلوک دژمن انت مہلوک گریوگئَ انت کہ ما چیا مسلم لیگ ئَ ووٹ داتگ۔
No comments:
Post a Comment