قانون برجاہ داروکیں ادارہ بلوچستان سرکار ءِ کمک کنگ ءَ کڈن کتگ انت
مزن وزیر نواز شریف ءَ کوئٹہ ناشرکاری ءِ نیام ءَ حون ریچی ءِ جاورحال ءِ گر ءُ دارءِ واستہ قانون برجاہ داروکیں ادارہ بلوچستان سرکار ءِ کمک کنگ ءَ کڈن کتگ انت ۔ مزن وزیر ماڑی ءِ ربالکارءِ رد ءَ مزن وزیرءَ تہی کارانی وزیر چوہدری نثار علی خان ٹیلی فون کتگ ءُ کوئٹہ ءَ بوتگیں بیرانی ءُ ٹپی بوتگیں مردمانی بابت ءَ حال ءُ احوال گپتگ ۔ نوازشریف ءَ تہی کارانی وزیر کڈن کتگ کہ بلوچستان سرکار ءَ گوں حال ءُ احوال بکن ءُ اے اپسوزیگیں جاوراں بلوچستان سرکار ءِ ہمک وڑا کمک کنگ بہ بیت ۔ مزن وزیر ءَ نودربریں جنئکانی بس ءِ سرا بوتگیں اُرش ایر جتگ ءُ گشتگ کہ نودربریں جنئکانی بس ءِ سرا اُرش لگوری کارے بوتگءُ پاکستان وتی شہریانی سرا اے وڑیں ظالمیں اُرشاں سگ ات نہ کنت ءُ سرکار ناشرکارانی اے وڑیں کارروائیاں دارگ ءَ ہچ وڑا چک ءُ پد نہ بیت ۔
No comments:
Post a Comment