آوار جتگیں مردمانی شوہاز بندات کنگ بوتگ
کوئٹہ(این این آئی)ضلع مستونگ ئِ علاقہ دشت ئَ چہ پجہ نیاﺅرتگیں سلہ بندیں مردماںسے مردمان ئَ توپک ئِ زور ئَ آوار جت آہانی تہا مہر اللہ مگسی ہم ہوار انت کہ آوتی جنک ئِ لاش ئِ آرگ ئِ ھاترا کوئٹہ ئَ وتی دو سنگتانی ہمراہی ئَ آیگ ئَ ات،آوراجتگیں سئیں مردمانی سیالی چہ بلوچستان ئَ انت و آ پیسریگیں نواب ذوالفقارعلی مگسی ئِ نزیک ئَ سیالدارں چہ انت سرجمیں ھالانی ردا یکشمبے ئِ روچ جھل مگسی ئَ چہ مہر اللہ مگسی ،کریم مگسی و محمود مگسی کوئٹہ ئَ آیگ ئَ اتاں کہ ضلع قلات ئِ تحصیل دشت ئَ چہ پجہ نیاﺅرتگیں سلہ بندیں مردماں سئیں مردامان ئَ آﺅار جت مہر اللہ مگسی گوستگیں روچ وتی جنکو کہ آ سردار بہادرخان مزنشہدربرجاہ ئَ دیرواگیں بمب تراک ئَ بیران بوت انت، آئی میت ئِ برگ ئِ ھاترا وتی ایندگہ دو ہمر ا کریم مگسی و محمود مگسی ئِ ہمراہی ئَ کوئٹہ ئَ پیداک اتاں، کہ آوان ئَ آوار جنگ بوت ہر سئینانی سیالی چہ بلوچستان ئَ انت و گورنر بلوچستان نواب ذوالفقارعلی مگسی ئِ نزیکیں سیال انت،لیویز زریعہ ئِ ردا ویل ئِ ھال رسگ ئَ گوں علاقہ ئَ را انگیر ئَ کنگ بوتگ و آوار جتگیں مردمانی شوہاز بندات کنگ بوتگ۔
No comments:
Post a Comment