قائد اعظم ریذیڈنسی مئے راجی مڈی اِنت، چوہدری نثار علی خان

چرے ناشری ئَ ڈوہکاراں ہچ وڑئَ پہل کنگ نہ بیت
کوئٹہ(این این آئی)بنجاہی تہی کارانی وزیر چوہدری نثار علی خان گشت کہ زیارت ئَ قائد اعظم ریذیڈنسی مئے راجی مڈی انت ایشی ئَ را پدا اصل دروشم ئِ بود دیگ بیت انت،ایشی ئِ ھاترا سے ئَ چہ چار ماہ درکار بنت،ما یک انچیں پالیسی ئے جوڈ کنگ ئَ انت کہ درائیں راجدپتری جاہانی دیمپانیئُُ دیمپانی دیگ ہوار انت۔آئی ئَ اے ھبر یکشمبے ئَ زیارت ئَ تراک ئَ چہ تباہ بوتگیں قائد اعظم ریذیڈنسی ئِ ٹپاس ئَ پد اھوالکاراں گوں گپئُُ تران کنان ئَ آئی ئَ گشت کہ قائداعظم ریذیڈنسی کہ تباہ بوتگ،اے بابت ئَ پٹئُُ پول بوئگ ئَ انتئُُ ڈوھکاران ئَ ہچ دروشم ئَ پہل کنگ نہ بیت انت۔ سرکار ئِ رٹ ہر وڈا بود دیگ بیت انت آئی ئَ گشت کہ ہمے یکیں روچ ئَ کوئٹہ ئِ بولان میڈیکل نادراہ جاہئُُ سردار بہادر خان وومن یونیورسٹی ئَ ناشرکاری ئِ ویلاںئُُ زیارت ریذیڈنسی ئَ را تراکاں گوں تراکینگ ئِ بابت ئَ پٹئُُ پول بوئگ ئَ انتئُُ اے چیز ئِ نازرکی ئَ گوں چارئُُ ٹپاس کنگ بوئگ ئَ انت کہ یکیں روچ ئَ یکیں پلان ئِ ردا اے ناشرکاری ئِ ویل کنگ بوتگ انت،ایشی ئِ پشت ئَ کجام مردم انت بلے اے وھداں چیزئے گشگ اشتاپی ئے بیت پٹئُُ پول برجاہ انتئُُ الس ئَ چہ ہچ چیز چیر دیگ نہ بیت انت۔ہرچی کہ راستی بیت گڈا آ الس ئِ دیما آرگ بنت ئُُ اے ویلاں ہواریں مردمان ئَ ہچ دروشم ئَ یل دیگ نہ بیت،ایشی ئِ تہا قانود ایر کنوکیں ہوربند تری کجام ہم وڈا گون بہ بنت۔مردمانی جانئُُ مال ئِ دیمپانی پجارینگ ئِ زمہ داری سرکار ئِ سر ابیت انتئُُ سرکار اے زمہ داری ئَ ہر دروشم ئَ سرجم کناں۔