منگ نامہ ئَ قائد اعظم ئِ نندجاہ ئِ سوچگ و کوئٹہ ئَ ڈاکٹرانی آوار ئِ ترندیں ایراد کرت
اسلام آباد(جیو نیوز)مروچی پارلیمان ئِ دوئیں ایواناں بلوچستان ئَ ناشرکاری ئِ ویلانی ھلاپ منگ نامہ تپاکیں وڈئے ئَ منگ بوتگاں، سینیٹ ئَ کوئٹہ ویل ئِ ھلاپ منگ نامہ مسلم لیگ ن ئَ کوئٹہ ئَ مزنشہدربرجاہ ئَ بیران بوتگیں نودربرانی مات و پتاں گوں تپاکی درشان و بیڑ ئِ سرا ایرد گرگ بوت۔سینیٹر رضاربانی ئَ گشت کہ اے بلوچستان سرکار ئِ ھلاپ پندل ئے ہر وھدئے کہ معاملہ گپ و تران ئِ نیمگہ روگ ئَ انت ،اے وڈیں ویل بنت انت،ایوان ئِ کماش راجہ ظفر الحق ئَ گشت کہ بلوچستان ئَ بوتگیں ویل یک مزنیں ویل ئے ،تہی کارانی وزیر بلوچستان ئَ شتگ و انچو کہ آ پدا کئیت انت آئی ئَ چہ گشگ بہ بیت انت کہ ایوان ئَ را سرپد کنگ بہ بیت انت، قومی اسمبلی ئَ ہم کوئٹہ تراکاں و زیارت ئَ قائداعظم ئِ نندجاہ ئِ سرا بیڑانی ھلاپ منگ نامہ ئَ ایراد کنگ بوتگ انت و تپاکیں وڈ ئےئَ اے ویلانی ھلاپ منگ نامہ منگ بوتگ،مسلم لیگ ن ئِ قومی اسمبلی ئِ باسک زاہد حامد ئَ ایوان ئَ منگ نامہ پیش کرت کہ ایشی ئَ گشگ بوت کہ اے ایوان ئَ کوئٹہ ئَ نودربرانی بس ئِ سرا بیڑ و پدا دیمپانی کارندہانی شہادت ئِ سرا آہانی گس مردماں گوں دلپدری پدر کنت منگ نامہ ئَ زیارت ئَ قائد اعظم ئِ نندجاہ ئِ سوچگ و کوئٹہ ئَ ڈاکٹرانی آوار ئِ ترندیں لبزاں گوں ایراد کرت انت۔
No comments:
Post a Comment