ایرانی الس ئِ گہبودیئُُ گہتری ئِ ھاترا ہر بوتکنیں گامگیج زوریں،رسانک در ئَ گوں گپئُُ تران
ایرانی نوک گچین بوتگیں صدر حسن روحانی ئَ جہانی طاقتان ئَ شیوار کرت کہ آ ایر ان ئِ شرپ ئَ بہ کناں،بہتام جنگ ئَ یل بہ کناں۔صدارتی گچینکاریاں پد رسانک در ئَ گوں گپئُُ تران کنان ئَ حسن روحانی گشت کہ آ ایرانی الس ئَ گہبودی ئِ ھاترا ہر بوتکنیں گامگیج زوریت۔آئی ئَ گشت کہ جہانی زوراک ایران ئِ شرپ ئَ کناں،بہتام جنگ بند کنگ بہ بنت۔صدرگچین کنگ ئِ سرا الس ئِ منت گپت ئے۔اصلاح دوستیں راہشون حسن روحانی ئِ سوبمندی ئِ جار ایرانی تہی کارانی وزیر مصطفٰی محمد نجار ئَ ئَ کرت۔ آئی ئَ گشت کہ شستئُُ چار سالی حسن روحانی ئَ را گچینکاریاں پنجاہ درسد ئَ چہ گیش ووٹ رستگ انت وھدیکہ آئی ئِ بگیر ئِ امیت وارئُُ تہران ئِ میئر محمد باقر قالیباف ئَ را پانزدہ درسد ووٹ رستگ انت،و آدومی انت،حسن رحانی ئَ را پیسریگیں صدر محمد خاتمیئُُ ہاشمی رفسنجانی ئِ پلہ مردی گون بوتگ۔ایرانی مستریں رہشون سے اگست ئَ گچینکاری ئَ دیما بارت کہ ایشی ئَ پد نگہوان شوری ئَ چہ پرسند گرگ بیت انت۔
No comments:
Post a Comment