سپریم کورٹءَ سندھ اسمبلیءِ حلقہ پی ایس 12 شکار پورءَ اسمبلیءِ باسک اللہ ڈنوءِ نا اہلی ءِ پیسلہ یک ماپ داشتگ

سپریم کورٹءَ سندھ اسمبلیءِ حلقہ پی ایس 12 شکار پورءَ اسمبلیءِ باسک اللہ ڈنوءِ نا اہلی ءِ پیسلہ یک ماپ داشتگ ءُ الیکشن کمیشنءِ پیسلہءِ حلاپءَ دائریں درخواست در کنگ بوتگ۔ الیکشن کمیشنءَ اللہ ڈنوءِ مخالف امیت وار عابد جتوئیءِ درخواستءِ سرا آ جعلی ڈگریءِ سببءَ نا اہل قرار دئیگ بوتگ۔ اللہ ڈنوءَ 2008ءِ عام گچین کاریانی نیامءَ مدرسہءِ ھما سند کہ جم کنائینتگ آ جعلی قرار دئیگ بوتگ۔ چیف جسٹس افتخار محمد چوہدریءِ سروکیءَ 3 باسکی بینچءَ کیس گوشداشتگ۔
آمید گسءَ اللہ ڈنوءِ دلائلءَ چہ تپاک نہ کتگءُ آئیءِ نا اہلیءِ پیسلہءِ حلاپءَ دائریں درخواست در کتگ۔

سی آئی اے ءَ اسامہ بن لادن آئی ءِ دومی لوگ بانک خیریہ ءِ وسیلہ ءَ درگیتکگ

سی آئی اے ءَ اسامہ بن لادن آئی ءِ دومی لوگ بانک خیریہ ءِ وسیلہ ءَ درگیتکگ ۔ امریکہ ءَ ڈاکٹر شکیل ءِ ھذمتانی سلہ ءَ بازیں آسراتی دئیگ ءِ پیشکش کتگ۔عرب ٹی وی ءَ ایبٹ آباد رپورٹ ءِ بابت ءَ گشتگ کہ اسامی بن لادن ءِ دومی لوگ بانک خیریہ سی آئی اے ءِ وظیفہ ءُ دادانی سرا بوتگ۔ رپورٹ ءَ اے گشگ بوتگ کہ اسامہ بن لادن ءِ 9 سالاں داں پاکستان ءَ موجودگی ءُ آئی ءِ کوش ءِ واستہ امریکا ءِ آپریشن دوئیں سرکار ءُ ایجنسیانی بے سوبی بوتگ۔رپورٹ ءَ گشگ بوتگ کہ خالد الکویتی ءِ سیادی شکیل آفریدی ءَ گوں ہواریں کارکنوکیں لیڈی ہیلتھ وزیٹر ءَ گوں بوتگ ءُ ھمے لیڈی ہیلتھ وزیٹر ءَ خالد الکویتی ءِ وسیلہ ءَ اسامہ بن لادن ءِ چکانی حون ءِ نمونہ بزاں کہ بلڈ سیمپل حاصل کتگ انت۔شکیل آفریدی ءِ ای آئی اے حکاماں گوں اولی نند ءُ گند اقوام متحدہ ءِ یک ادارہے ءِ کارگسے ءَ بوتگ ءُ سی آئی اے ءَ ڈاکٹر شکیل آفریدی ءَ یک حاصیں ڈیوائسے داتگ سی آئی ءِامریکہ ءِ سفارت خانہ ءَ موجودیں زالبول انڈر کور ایجنٹ ڈاکٹر شکیل ءَ گوں رابطہ ءَ بوتگ ءُ ڈاکٹر شکیل آفریدی ءَ گوں اے زالبول ءَ نند ءُ گند اسلام آباد ءَ لینڈ کروزر گاڑی ءِ تہا بوتگ کہ آئی ءَ گاڑی ءَ چیریں وڑی ءَ سفر کتگ۔
اے وڑا سفر کنئگ ءِ آئی ءِ بنیادی مول ءُ مراد پاکستانی انٹیلی جنس ادرہاں دھگہ ءُ دھوکہ دئیگ بوتگ۔ رپورٹ ءِ ردا امریکہ ءَ آپریش ءَ چہ پیش ڈاکٹر شکیل ءَ دو آفر داتگ یکے ایش کہ جائیداں بہا بہ کنت ءُ خیبر ایجنسی ءِ وسیلہ ءَ بگرام ءَ سربہ بیت ءُ دومی ایش کہ بگرام ءَ سر بہ بیت ءُ جائیداد ءِ نہاد ءَ امریکہ ادا کنت۔

جنگءُ چوپءَ نواب اکبر بگٹی ءِ پیسریگیں سلاہ دور دیوکیں کمانڈر عبدالرحمن عرف رحموں بگٹی بیران بوتگ

ڈیرہ بگٹیءَ 2 سلاہ بندیں ٹولیانی نیامءَ جنگءُ چوپءَ نواب اکبر بگٹی ءِ پیسریگیں سلاہ دور دیوکیں کمانڈر عبدالرحمن عرف رحموں بگٹی بیران بوتگ۔ چیف مقدم بگٹی قبائلءِ بچ ڈھلو خان بگٹی 2 مردمانی ھواریءَ ٹپی بوتگ۔ گوستگیں شپءَ بگٹی ٹکءِ چیف مقدم وڈیرہ مراد پیر وضانی بگٹیءِ بچ ڈھلو خان وتی سنگتانی ہمراہیءَ ڈیرہ بگٹیءَ روگءَ بوتگ کہ نیم راہءَ سنگسیلاءِ ہنداں آہانی سرا تیر گواری کنگ بوتگ۔ دوئیں نیمگا مزنیں سلاہ کار مرز کنگ بوتگ۔ وھدیکہ تیر گواریءَ چہ رحموں بگٹی بیران بوتگ۔ ٹپیءُ رحموں بگٹیءِ لاش ڈیرہ بگٹی اسپتالءَ سر کنگ بوتگ۔
وئیلءَ پد ڈیرہ بگٹیءُ سوئیءَ جاور نگیگ انتءُ مھلوک ترسءُ بیمءِ آماچ انت۔ دومی نیمگا سیکورٹی فورسزءَ کجام ھم نہ وشیں وئیلءِ گرءُ دارءِ واستہ کارندہانی کساس گیش کتگ۔ وئیلءَ پد تیوگیں بازارءُ دکان بند بوتگ۔

رمضان المبارکءِ نوکءِ چارگءِ واستہ بنجاہی رویت ہلال کمیٹیءِ دیوان مروچی کراچیءَ بیت

رمضان المبارکءِ نوکءِ چارگءِ واستہ بنجاہی رویت ہلال کمیٹیءِ دیوان مروچی کراچیءَ بیت۔ وھدیکہ محکمہ موسمیاتءِ ردا موسمءِ جمبری بوھگءِ سببءَ نوکءِ گندگ مشکل بیت۔ اودا سعودی عربءَ ھوار خلیجی ملکاں اولی روچگ باندا دارگ بیت۔ بلے امریکہءُ یورپءَ مسلم کمیونٹی بھرءُ بانگءِ آماچ بوتگ۔ محکمہ موسمیات کراچیءِ کار گسءَ عصرءَ پد بنجاہی رویت ہلال کمیٹیءِ سروکیءَ چیئر مین مفتی منیب الرحمنءَ کنت۔ تیوگیں زونل کمیٹیانی دیوان ھم بنتءُ رویت ہلال ءِ شاہدی جم کنگ بنت۔
پشاورءَ مسجد قاسم علی خانءِ علماہانی گشگ انت اگاں سرکاری رویت ہلال کمیٹیءَ آہانی شہادت نہ من ات انت گڑا آ وتی جارءَ وت جن انت۔

کراچیءَ حونریچیءِ لیئب برجاہ انت

کراچیءَ حونریچیءِ لیئب برجاہ انت۔ تیر گواری ءُ جنگءُ چوپی وئیلانی رد یکشلہ برجاہ انت۔ گوستگیں 12 کلاکانی نیامءَ 15 مردم مرگءِ آماچ کنگ بوتگ انت۔ کورنگیءِ دمگ زمان ٹاؤنءَ ناشناسیں مردمانی تیر گواریءَ چہ یک مردمے بیران بوتگ۔ ملیرءِ دمگ رفاہ عام سوسائٹیءَ ناشناسیں مردمانی تیر گواریءَ چہ 2 مردم بیران بوتگ انت۔ سرجانی ٹاؤنءِ سیکٹر 7ءَ تیر گواریءَ چہ زاہد نامی مردمے مرگءِ ارجان بوتگ۔ پولیس حکامءِ ردا ذاتی دژمنیءِ سببءَ اے مردم کشگ بوتگ۔ حبءِ نزیکءَ رئیس گوٹھءَ لوگءَ ڈنگیءِ نیامءَ مزاحمتءِ سرا لعل محمد بلوچ تیر گواریءِ آماچ کنگ بوتگ۔
اورنگی ٹاؤنءَ کالی پہاڑیءِ نزیکءَ سیاسی گل ءَ چہ سیادی داروکیں 3 مردم سرا تیر گواری کنگ بوتگ۔ چر ایشاں یکے بیرانءُ 2 ٹپی بوتگ انت۔ نیو کراچیءَ بلال کالونیءَ تیر گواریءَ چہ پیسریگیں پولیسءِ اے ایس آئی اعجاز کھو کھر ءُ کامران بندھانی کشگ بوتگ انت۔ وھدیکہ یک مردمے ٹپی بوتگ۔ لیاریءِ دمگ آگرہ تاج کالونی، پاک کالونی، نیو کراچی، ایوب گوٹھءُ بنارس پہلءِ نزیکءَ تیر گواریءَ چہ 4 مردم مرگءِ آماچ بوتگ انت۔ ڈیفنس فیز 2ءَ کچرا کنڈی، کوہنیں سبزی منڈیءُ اولڈ سٹی ایریاءَ چہ 3 مردمانی جتگءُ چپتگیں لاش دز کپتگ انت۔

گشتگ آئی ایم ایفءَ چہ اولی قسط 3 ارب 50 کروڑ ڈالر ادا کنگءِ لوٹ کتگ

حزانگءِ بنجاہی وزیر اسحاق ڈارءَ گشتگ آئی ایم ایفءَ چہ اولی قسط 3 ارب 50 کروڑ ڈالر ادا کنگءِ لوٹ کتگ۔ آئی ایم ایفءِ سرجمیں پروگرامءِ سرا پارلیمنٹ بھیسہءَ زورگ بیت۔ اسلام آبادءَ رسانک درءَ گوں تران کنانءَ حزانگءِ بنجاہی وزیرءَ گشتگ آئی ایم ایفءَ لوٹءِ سرا چارءُ ٹپاس کنگءِ بھیسہ داتگ۔ 4 ستمبرءَ منظوریءَ پد سرجمیں پروگرام درستانی دیما ایر کنگ بیتءُ ھمک سال بجٹ خسارہءَ 2 درسد کمی بیت۔ 15-2014ءِ بجٹءَ سرجمیں پیداوارءِ وام 60 درسدءَ چہ کم بنت۔
    تیوگیں عالمی ادارہاں گشتگ کہ پاکستانءِ پالیسی راستیں نیمگا روگءَ انت۔ آئیءَ گشتگ 322 ارب کلدارءِ گردشی وام گوستگیں سرکارءِ ٹکی بوتگ انت۔

انسداد ناشر کاریءِ حاصیں آمید گسءَ جنرل پرویز مشرف سیکورٹیءِ سببءَ پیش کنگ نہ بوتگ

انسداد ناشر کاریءِ حاصیں آمید گسءَ جنرل پرویز مشرف سیکورٹیءِ سببءَ پیش کنگ نہ بوتگ۔ ایس ایس پی آپریشنءَ پرویز مشرف آمید گسءَ پیش کنگءِ گڈی برا وھد لوٹ اتگ۔ بینظیر بھٹو کوش کیس راولپنڈیءِ انسداد ناشر کاری عدالتءِ جج حبیب الرحمانءَ گوشداشتگ۔ پرویز مشرفءِ آمید گسءَ پیش نہ بوھگءِ سرا جج برانز گپتگ۔
آمید گسءَ پرویز مشرف آؤکیں پیشیءَ آمید گسءَ پیش کنگءِ پرمان دیانءَ کیسءِ گوشدارگ 30 جولائیءَ داں مھتل داشتگ۔

احتساب آمیدگس ءَ توقیر صادق 14 روچ ءِ جسمانی ریمانڈ ءَ داتگ

احتساب آمیدگس ءَ توقیر صادق 14 روچ ءِ جسمانی ریمانڈ ءَ داتگ ءُ آمیدگس ءَ توقیر صادق ءِ نیمگا چہ جنئگ ءُ چوپگ ءِ بہتام ءِ سرا آئی ءِ طبی چار ءُ ٹپاس کنائینگ ءِ پرمان داتگ چریشی ءَ پیسرتوقیر صادق آمیدگس ءَ پیش کنگ بوتگ ءُ آمیدگس ءَ توقیر صادق ءِ 14 روچی جسمانی ریمانڈ ءِ دزبندی کنگ بوتگ ۔ بنشونءِ ردا احتساب آمیدگسءَ توقیر صادقءَ بیان داتگ کہ نیب حکام آئیءَ بیہار دئیگءَ ھوار جتگ ءُ چپتگ۔ کیسءِ گوشدارگ احتساب آمید گس نمبر 1ءِ جج محمد بشیرءَ کتگ۔ نیبءِ پراسیکیوٹرءَ آمید گسءَ چہ توقیر صادقءِ 14 روچءِ جسمانی ریمانڈءِ دزبندی کتگ۔ توقیر صادقءَ احتساب آمید گسءَ بیان داتگ کہ اوگرا کرپشن کیسءَ ہچ وڑیں سیادی نیست۔ توقیر صادق ہتھکڑی جنئگءُ آمید گسءَ پیش کنگ بوتگ۔ چر ایشیءَ پیسر بنشونءِ ردا پٹءُ پولی ٹیمءِ دیما توقیر صادقءَ مزن مزنیں نام ظاہر کتگ کہ آہانی تہا پیسریگیں سرکاری وزیراں ھوار بیوروکریٹ ھم ھوار انت۔
زانگ بہ بیت کہ انٹر پولءَ توقیر صادق اسلام آباد آھگءِ سرا نیبءِ پٹءُ پولی افسر وقاص خانءِ حوالہءَ کتگ۔ چر ایشیءَ پد توقیر صادق نیب ہیڈ کوارٹرءَ برتگءُ اودا توقیر صادقءَ چہ بنداتی پٹءُ پول کنگ بوتگ۔ نیبءِ بنشونءِ ردا در انگازی کنگ بوتگ کہ کرپشن 82 ارب ءَ چہ گیش کنگ ءُ 150 ارب کلدارءَ داں سر کنگ بوتگ۔ توقیر صادقءِ سرا 80.56 ارب کلدار کرپشن کنگءِ بہتام انت۔ پولیسءَ توقیر صادق آمید گسءَ پیش کنگ ءَ پیسرا پولی کلینک اسپتالءَ طبی معائنہ کنائینتگ کہ اودا ڈاکٹراں توقیر صادق دراہءُ زرنگ قرار داتگ۔

مصرءَ صدر مرسیءِ گل اخوان المسلمینءَ دعویٰ کتگ

مصرءَ صدر مرسیءِ گل اخوان المسلمینءَ دعویٰ کتگ کہ قاہرہءَ تیر گواریءَ سیاس گلءِ 34 منوگر بیران بوتگ انت۔ محمد مرسیءِ حلاپیءُ منوگرانی زہرشانی مروچی ھم برجاہ انت۔ اے زہرشانیانی نیامءَ تیر گواریءَ چہ 34 مردمانی بیرانیءِ حال انت۔ صدر محمد مرسیءِ منوگراں بن شہر قاہرہءَ ری پبلکن گارڈزءِ کارگسءِ دیما نندانک جتگ۔
دومی نیمگا فوجی ترجمانءَ سرکاری ٹی ویءَ یک بیانے داتگ کہ ناشر کار ٹولیاں فجرءِ وھدءَ ری پبلکن گارڈءِ کارگسءِ سرا ارش کنگءِ جہد کتگ۔

قمبر شہداد کوٹءَ چہ کراچیءَ روکیں مسافر کوچ دادو انڈس ہائی وےءِ سرا وئیل آماچ بوتگ

قمبر شہداد کوٹءَ چہ کراچیءَ روکیں مسافر کوچ دادو انڈس ہائی وےءِ سرا وئیل آماچ بوتگ۔ وئیلءَ 4تپلیں چکءُ زالبولاں ھوار 12 مسافر بیرانءُ 30 ٹپی بوتگ انت۔ بیران بوتگینانی تہا زبیدہ، مرتضٰی، کاشف، ممون، ساجد شیخءَ ھوار 7 سالی مرتضٰی، 4 سالی پنکیءُ اقصٰی ھوار انت۔ مسافر کوچءَ 60 مسافر سوار بوتگ انت۔ ایشانی تہا بازینانی جاور نگیگ گشگ بوھگءَ انت۔ بیرانءُ ٹپی بوتگیں گیشیں مردمانی سیادی لاڑکانہ ءُ قمبر شہداد کوٹءَ چہ گشگ بوھگءَ انت۔ ٹپیانی کساس گیش ءُ ایمبولینسءِ کم بوھگءِ سببءَ کمکی کاراں مشکل پیش بوھگءَ انت۔
چر ایشیءِ سببءَ بیرانءُ ٹپی بوتگیں بازیں مردم پولیس موبائلءُ پرائیویٹ گاڑیاں سول اسپتال دادوءَ برگ بوھگءَ انت۔مسافر کوچءِ وئیل 2 کوچانی نیامءَ ریسءِ جنئگءُ ٹائی راڈءِ پرشگءِ سببءَ پیش اتکگ۔

قمبر شہداد کوٹءَ چہ کراچیءَ روکیں مسافر کوچ دادو انڈس ہائی وےءِ سرا وئیل آماچ بوتگ

قمبر شہداد کوٹءَ چہ کراچیءَ روکیں مسافر کوچ دادو انڈس ہائی وےءِ سرا وئیل آماچ بوتگ۔ وئیلءَ 4تپلیں چکءُ زالبولاں ھوار 12 مسافر بیرانءُ 30 ٹپی بوتگ انت۔ بیران بوتگینانی تہا زبیدہ، مرتضٰی، کاشف، ممون، ساجد شیخءَ ھوار 7 سالی مرتضٰی، 4 سالی پنکیءُ اقصٰی ھوار انت۔ مسافر کوچءَ 60 مسافر سوار بوتگ انت۔ ایشانی تہا بازینانی جاور نگیگ گشگ بوھگءَ انت۔ بیرانءُ ٹپی بوتگیں گیشیں مردمانی سیادی لاڑکانہ ءُ قمبر شہداد کوٹءَ چہ گشگ بوھگءَ انت۔ ٹپیانی کساس گیش ءُ ایمبولینسءِ کم بوھگءِ سببءَ کمکی کاراں مشکل پیش بوھگءَ انت۔
چر ایشیءِ سببءَ بیرانءُ ٹپی بوتگیں بازیں مردم پولیس موبائلءُ پرائیویٹ گاڑیاں سول اسپتال دادوءَ برگ بوھگءَ انت۔مسافر کوچءِ وئیل 2 کوچانی نیامءَ ریسءِ جنئگءُ ٹائی راڈءِ پرشگءِ سببءَ پیش اتکگ۔

کوئٹہءِ دمگ ہزار گنجیءَ ناشناسیں مردمانی اوشتاتگیں کنٹینرانی سرا تیر گواری

کوئٹہءِ دمگ ہزار گنجیءَ ناشناسیں مردمانی اوشتاتگیں کنٹینرانی سرا تیر گواریءَ چہ کنٹینراں آس چست بوتگ۔ بلے ہچ وڑیں جانی تاوان نہ بوتگ۔ پولیسءِ ردا ہزار گنجیءَ بس اڈہءَ اوشتاتگیں 3 کنٹینرانی سرا سلاہ بندیں موٹر سائیکل سواراں تیر گواری کتگ۔ چر ایشیءَ کنٹینراں آس چست بوتگ۔ وئیلءَ پد ملزم جستگ انت۔
ہندی مردماں وتی کمک وتءِ ردا آس توستگ۔ رندا فائر بریگیڈ گاڑی ھم سر بوتگ۔ پولیس گیشیں کارروائی کنگءَ انت۔

کراچی ءِ دمگ لیاری ءَ دوشی ہم رینجرز ءَ سرچ آپریشن بر جاہ بوتگ

کراچی ءِ دمگ لیاری ءَ دوشی ہم رینجرز ءَ سرچ آپریشن بر جاہ بوتگ ۔ نگیگیں جاورانی درگت ءَ صدر آصف علی زرداری ءَ مروچی دیوان طلب کتگ کراچی ءِ دمگ لیاری ءَ دوٹولیانی نیام ءَ جنگ ءُ چوپ بوہگ ءِ سبب ءَ مھلوک ءِ زند مشکلانی دیمپان انت۔امن ءُ ایمنی ءِ برجاہ دارگ ءِ ہاترا ءَ گوستگیں شپ ءَ رینجرز ءَ لیاری ءِ جتا جتائیں دمگاں سرچ آپریشن کتگ۔ آپریشن ءِ نیام ءَ دزگیر کنئگ ءُ سلاہانی دز گرگ ءِ ھچ وڑیں حال نہ رستگ۔ بنشون ءِ ردا لیاری ءَ 800 کارندہانی دارگ ءُ 50 چوکی جوڑ کنئگ ءِ بابت ءَ ھم چار ءُ بیچار کنئگ بوہگ ءَ انت۔ لیاری ءِ ڈنی ءُ تہی دگانی سرا ناکہ بندی ءِ سلاہ ءُ شور ءِ صلاہ دئیگ بوتگ

دانکہ سلاہانی گر ءُ دار کنگ بی بیت ۔لیاری ءِ نگیگں جاور حالانی بابت ءَ پیپلز پارٹی ءِ سندھ اسمبلی ءِ باسکاں گشتگ کہ دمگ ءَ امن ءُ ایمنی ءِ تباہ کنئگ ءَ ھما دست ہوار انت کہ یکشلہ کراچی ءِ امن ءُ ایمنی آہاں تباہ کتگ ءُ بلوچ ءُ کچھی برادری ءِ نیام ءَ ھچ وڑیں جنگ ءُ چوپ نیست انت ءُ دوئیں برادری دمگ ءَ امن ءُ ایمنی ءِ لوٹوک انت۔ اے دعوی کنئگ بوتگ کہ لیاری ءِ دمگ ءَ چہ بازیں انچیں ناشرکار دزگیر کنئگ بوتگ انت کہ آ دگہ دمگاں چہ ناشرکاری کنئگ ءِ واستہ اوداں اتکگ انت

ناشر کاریءِ حلاپءَ گامگیج جوڑ کنگ بوتگ انت

ناشر کاریءِ حلاپءَ گامگیج جوڑ کنگ بوتگ انتءُ 12 جولائیءَ دیوان لوٹائینگ بوتگ۔ تہی کارانی بنجاہی وزیر چوہدری نثارءَ مزن وزیرءِ نیمگا چہ 12 جولائیءَ پارلیمانی گلانی سروکاں دیوان ءَ بھر زورگءِ واستہ دعوت دئیگءِ ھاترا رابطہ بندات کتگ انت۔ تہی کارانی وزارتءِ جارءِ ردا تہی کارانی وزیر چوہدری نثار علیءَ امیر جماعت اسلامی ڈاکٹر منور حسن، ق لیگءِ سروک چوہدری شجاعت حسینءُ قومی اسمبلیءَ اپوزیشن لیڈر سید خورشید شاہ
ایم کیو ایمءِ رہشون ڈاکٹر فاروق ستار،بی این پی مینگلءِ سروک سردار اختر مینگلءُ پشتونخواہ ملی عوامی پارٹیءِ سروک ءُ محمود خان اچکزئی ٹیلیفون کتگءُ ناشر کاریءِ حلاپءَ گامگیجانی ٹہینگءِ واستہ مزن وزیرءِ نیمگا چہ 12 جولائیءَ لوٹائینتگیں دیوانءَ بھر زورگءِ دعوت داتگ۔

مزن وزیر نواز شریف چینءِ 6 روچی ترءُ تابءَ سرجم کنگ

مزن وزیر نواز شریف چینءِ 6 روچی ترءُ تابءَ سرجم کنگ ءَ پد مروچی واتر ملکءَ سر بوھگءَ انت۔ مزن وزیرنواز شریف وتی چینی ھمکار لی چیانگءِ دعوتءِ سرا اولی درملکی سرکاری دورہءَ 3 جولائیءَ چینءَ شتگ ات۔ اے نیامءَ آئیءَ چینءِ صدر، مزن وزیر، مزنیں سرکاری حاکم، مالیاتی ادارہانی کمپنیانی سروک، زر کارءُ بیپاریانی سروکاں گوں گندءُ نند ءَ ابید توانائی کانفرنس ھم بھر زرتگ۔ نواز شریفءِ ترءُ تابءَ پاکستانءُ چینءِ نیامءَ 8کولبندانی سرا دستخط بوتگ انت
کہ ایشانی تہا کاشغرءَ چہ گوادرءَ داں 2 ہزار کلو میٹر دراجیں شاہراہءِ تعمیرءِ منصوبہ ھم ھوار انت۔

چیف جسٹس افتخار محمد چوہدریءَ پرویز مشرف درخواست ہلاسی کیس

چیف جسٹس افتخار محمد چوہدریءَ پرویز مشرف درخواست ہلاسی کیس ءِ گوشدارگءَ چہ مکن کنانءَ گشتگ کہ آؤکیں کیسءِ گوشدارگ ءَ دگہ بینچے ٹہینگ بہ بیت۔ سپریم کورٹءَ جج نظر بندی کیسءَ پرویز مشرف ضمانت ہلاسی کیس گوشدارگ بوتگ۔ ججانی نظر بندی کیسءَ پرویز مشرفءِ حلاپءَ ناشر کاری ایکٹءِ دفعات ہلاس کنگءُ ضمانت منظور کنگءِ ہائیکورٹءِ پیسلہ سپریم کورٹءَ مدعی اسلم گھمن ایڈووکیٹءِ نیمگا چہ چیلنج کنگ بوتگ ات۔ مروچی سپریم کورٹءَ کیس گوشدارگ بوتگ۔ وھدیکہ چیف جسٹسءَ کیسءِ گوشدارگءَ چہ مکن کتگ۔ کیسءِ گوشدارگ یک ہفتگےءَ داں مھتل داشتگ ۔
دومی نیمگا سپریم کورٹءَ رینٹل پاور کیس چیف جسٹس افتخار محمد چوہدریءِ سروکیءَ 3 باسکی بینچءَ گوشداشتگ۔ کیسءِ گوشدارگءِ نیامءَ آمیدگس ءَ چیئر مین نیبءِ دارگ بے وھدے مدتےءَ داں مھتل داشتگ ۔

مزن وزیر نواز شریف ءَ چائنا ڈیولپمنٹ بینک ءُ چائنا انویسٹمنٹ کارپوریشنءِ صدراں گوں گندءُ نند کتگ

مزن وزیر نواز شریف ءَ چائنا ڈیولپمنٹ بینک ءُ چائنا انویسٹمنٹ کارپوریشنءِ صدراں گوں گندءُ نند کتگ۔ اے درگتءَ مزن وزیر نواز شریفءَ گشتگ کہ توانائیءَ ھوار جتا جتائیں پڑاں چینءِ کمکءَ لوٹیں۔ ملکءَ توانائی پالیسیءِ جارءَ باز زوت جنیں۔ مزن وزیر اے روچاں چینءِ 5 روچی سرکاری ترءُ تابءَ انت۔ چائنا ڈیولپمنٹ بینکءِ صدرءَ گوں بوتگیں گندءُ نندءَ نواز شریفءَ گشتگ کہ چینءِ معاشی دیمروئیءَ چہ نپءُ فائدگ زورگ لوٹیں۔ معیشتءِ بحالی اولی کار انت۔ اے درگتءَ چائنا ڈیولپمنٹ بینکءَ معدنیاتءُ ٹیلی کمیونیکشنءِ پڑاں گیشیں 3.5 ارب ڈالرءِ زرکاریءَ دلوشی درشان کتگ۔
دیوانءَ بینکءَ اوگراءِ نیمگا چہ کوئلہءُ ونڈ انرجی منصوبہانی سرا جتگیں ٹرفءِ شکایت کتگ۔ ایشیءِ سرا مزن وزیرءَ تیوگیں اڑاندانی دور کنگءِ بھیسہ داتگ۔ نواز شریفءَ گشتگ کہ ایگزم بینک پاکستانءَ زرکاریءَ دلچسپی داروکیں کمپنیاں سرمایہ دنت۔

مزن وزیر میاں نواز شریفچینءِ ترءُ تابءِ نیام ءَ چینءِ رہشوناں گوں جامع مذاکرات

چینءَ پاکستانءِ سفیر مسعود خالدءَ گشتگ کہ مزن وزیر میاں نواز شریفچینءِ ترءُ تابءِ نیام ءَ چینءِ رہشوناں گوں جامع مذاکرات، پاکستانءَ توانائیءُ دوئیں ملکانی نیامءَ بیپارءِ دیمروئیءِ سرا گپءُ تران کنگ بیت۔ مسعود خالدءَ گشتگ
کہ پاکستانءِ توانائی ءُ دگہ دیمروئی شعبہاں تعاون ءُ دوئیں ملکانی نیامءَ بیپارءِ دیمروئیءِ سرا جوانیں دلگوش دئیگ بیت۔

ہڑتالءِ سببءَ ھمک روچی زند اثر مند انت

گوستگیں بازیں وھدءَ چہ خضدارءُ وڈھءَ برجاہیں آپریشنءِ حلاپءَ بلوچستان نیشنل پارٹیءِ جارءِ سرا کوئٹہءَ ھوار سرجمیں بلوچستانءَ دربندیں ہڑتال کنگ بوھگءَ انت۔ ہڑتالءِ سببءَ ھمک روچی زند اثر مند انت۔ کوئٹہءَ جناح روڈ، پرنس روڈ، شارع اقبال، جوائنٹ روڈءُ سریابءِ بازیں دمگاں ھوار جتا جتائیں ہنداں دکان، ہوٹل، مارکیٹءُ بیپاری بنجل بند انت۔
بی این پیءِ جارءِ سرا باندا چہ بے وھدیں مدتےءِ واستہ پرگ بندیں ہڑتال ھم جار جنگ بوتگ۔

کراچیءُ کوئٹہءَ ناشر کاریءِ گیش بوہانیں وئیل عالمی پندلءِ بھر انت

بلوچستان اسمبلیءِ اسپیکر جان محمد جمالیءَ گشتگ کہ کراچیءُ کوئٹہءَ ناشر کاریءِ گیش بوہانیں وئیل عالمی پندلءِ بھر انت۔ کراچیءَ سندھ اسمبلیءِ اسپیکر آغا سراج درانیءَ گوں گندءُ نندءَ پد رسانک درءَگوں تران کنانءَ جان محمد جمالیءَ گشتگ کہ گوادر پورٹءَ چینءِ حوالہءَ کنگ پد ناشر کاریءَ حطرناکیں حدءَ گیشی بوتگ۔ یک جستےءِ پسوءَ آئیءَ گشتگ کہ بلوچستانءَ بیگواہیں مردمءُ جتگءُ چپتگیں لاشانی جیڑہ کوہن انت بلے بلوچستان سرکار جاور حالانی گہتریءِ نیمگا روگءَ انت۔
آئیءَ گشتگ آجوئی لوٹیں گلانی لوٹ رد نہ انت بلے جمہوریتءِ برجاہ داریءَ چہ بلوچستانءِ جاور حال گہتر بوت کن انت۔

ڈیرہ الہٰیارءِ کرم شاہ کالونیءَ گونڈیں جیڑہءِ سرا کھوسہءُ رند ٹکانی نیامءَ جنگءُ چوپ

ڈیرہ الہٰیارءِ کرم شاہ کالونیءَ گونڈیں جیڑہءِ سرا کھوسہءُ رند ٹکانی نیامءَ جنگءُ چوپءِ آسرا 2 پولیس کارندہاں ھوار 4 مردم ٹپی بوتگ انت۔ وئیلءِ حالءِ سرا ڈیرہ الہٰیار پولیس وئیل جاہءَ سر بوتگءُ آہاں ٹپی سول اسپتالءَ سر کتگ کہ اودا یک ٹپیءِ جاور نگیگ بوھگءِ سببءَ لاڑکانہءَ برگ بوتگ۔
پولیسءَ دوئیں فریقانی حلاپءَ مقدمہ درج کتگءُ پٹءُ پول بندات کتگ۔

کراچیءَ جتا جتائیں دمگاں تیر گواریءُ نشانگی کوشانی رد برجاہ انت

کراچیءَ جتا جتائیں دمگاں تیر گواریءُ نشانگی کوشانی رد برجاہ انت۔ تیر گواریءِ نوکیں وئیلاں 3 مردم بیران بوتگ انت۔ لیاریءِ جتا جتائیں دمگ کلری، آگرہ تاج کالونی، بہار کالونی، ہنگورہ آباد، جمعہ بلوچ روڈءُ مندرا میتگءَ گوں ھمگرنچیں دمگاں مروچی 5 می روچءَ ھم تیر گواریءِ رد برجاہ انت۔ وھدیکہ دمگءَ ترندیں تراکانی توار ھم اشکنگ بوتگ۔ حنیف منزلءِ نزیکءَ تیر گواریءَ چہ یک مردمے بیران بوتگ۔آئیءِ پجار محمد یوسفءِ نامءَ چہ بوتگ کہ آ رکشہ ڈرائیورے بوتگ۔
مندرا میتگءَ بوتگیں تیر گواریءَ چہ عرفان نامی مردمے ٹپی بوتگ۔ ڈیفنسءِ دمگ خیابان محافظءَ ناشناسیں مردماں یک لاشے دور داتگءُ جستگ انت۔ سخی چورنگیءِ نزیکءَ تیر گواریءَ چہ یک مردمے بیران بوتگ۔

اسلام آبادءَ ڈیرہ بگٹیءَ چہ سیادی داروکیں مردم کہ وتی لوگاں روگءِ اجازت دئیگ

اسلام آبادءَ ڈیرہ بگٹیءَ چہ سیادی داروکیں مردم کہ وتی لوگاں روگءِ اجازت دئیگءِ ھاترا زہرشانی کنگءَ انت۔ چر آہاں چہ گل شیر بگٹی نامی مردے گوستگیں شپءَ بیران بوتگ۔ لاش اسلام آبادءِ الشفاء انٹر نیشنل اسپتالءَ ایر انت۔ بلے اے لاش زہرشانی کنوکیں مردماں دئیگ نہ بوھگءَ انت۔ اے زانگ بہ بیت کہ ڈیرہ بگٹی ءَ چہ سیادی داروکیں مہاجرین گوستگیں 2 ماہاں چہ اسلام آبادءِ دگانی سرا زہرشانی کنگءَ انتءُیک ہفتگے پیش سرکارءِ سدکیءَ پد شد ہڑتال ہلاس کتگ ات۔
۔ اے درگتءَ پہ گیشیں حالانی واستہ مے گوما اسلام آبادءَ چہ یاسر بلوچ ہمراہداری کنگءَ انت

مروچی سرجمیں دنیاءَ منشیاتءِ ہلاسیءِ روچ دارگ بوھگءَ انت

مروچی سرجمیں دنیاءَ منشیاتءِ ہلاسیءِ روچ دارگ بوھگءَ انت۔ وھدیکہ پاکستانءَ یکشلہ منشیات کار مرزکنوکانی کساس گیش بوہان انت۔ اے درگتءَ اینٹی نارکوٹکس فورسءَ سرجمیں پاکستانءَ چہ دز گپتیں 21 ٹن منشیات راولپنڈی، اسلام آباد، کوئٹہ، کراچیءُ لاہورءَ مانداشتگ۔ بنجاہی شہر اسلام آبادءَ ترنولءِ نزیکءَ منشیاتءِ حلاپءَ میان استمانی روچءِ درگتءَ 18.55 ٹن منشیات ماندارگ بوتگ۔ اے درگتءَ ڈی جی اے این ایف میجر جنرل ظفر اقبالءَ ھوار پاکستانءَ دگہ ملکانی سفیر ءُ حاصیں مردماں بھر زرتگ۔
مراگشءَ چہ تران کنانءَ ڈی جی این ایفءَ گشتگ کہ افغانستانءَ سرجمیں دنیاءِ 90 درسد منشیاتءِ پیداوارءِ سببءَ پاکستان تچکءَ اثر مند بوھگءَ انت۔

امریکہءَ گشتگ افغان طالبان گپءُ تران ءِ واستہ ساڑی نہ انت

امریکہءَ گشتگ افغان طالبان گپءُ تران ءِ واستہ ساڑی نہ انت۔ سیاسی ھمپتیءَ چہ ناشر کاری کارروائی کم بنتءُ ایشیءِ ھاترا کوشست برجاہ دارگ بیت۔ دیما چاریں کہ چے بیت۔ محکمہ خارجہءِ ترجمان پیٹرک وینٹرل ءَ گشتگ امریکہ افغانستانءَ صدارتی ماڑیءِ نزیکءَ طالبانءِ ارشءَ ترندیں لبزاں گوں ایر جنت۔ انچو زانگ بوھگءَ انت کہ طالبان انگتءَ ھم گپءُ ترانءِ واستہ تیار نہ انت۔ اے بابتءَ سکیں بے بھسہی گندگ بوھگءَ انت۔ وھدیکہ امریکہ گپءُ ترانءِ واستہ ساڑی انت۔ اودا وائٹ ہاؤسءِ ربالکار جے کارنےءِ نیمگا چہ شنگ بوتگیں بیانےءَ گشگ بوتگ امریکہءِ صدر باراک اوبامہءَ افغان صدر حامد کرزئیءَ گوں گپءُ حال کتگ۔
اوبامہءَ افغان صدرءِ سرا طالبانءَ گوں گپءُ تران بندات کنگءِ بابتءَ پریشر داتگ۔ دوئیں رہشوناں طالبانءَ گوں گپءُ تران برجاہ دارگءِ سرا تپاکی درشان کتگ۔

ہیومن رائٹس کمیشنءَ بلوچستانءِ واستہ فیکٹ فائنڈنگ مشنءِ رپورٹ جاری کتگ

ہیومن رائٹس کمیشنءَ بلوچستانءِ واستہ فیکٹ فائنڈنگ مشنءِ رپورٹ جاری کتگ۔ رپورٹءِ ردا صوبہءَ امنءُ ایمنیءِ جاور حال نگیگ انت۔ سیکورٹی فورسزءِ دستاں مھلوکءِ کوش ءُ بے شرپ کنگ ھمک روچی کارے جوڑ بوتگ۔ فیکٹ فائنڈنگ کمیشنءَ بلوچستانءِ ترءُ تابءَ پد بنداتی رپورٹءَ گشتگ کہ بلوچستانءَ مھلوک ترسءُ بیمءِ آماچ انت۔ بلوچ جنجگولاں مھلوکءِ سرا ارش بند کنگ لوٹ انت۔ سیکورٹی فورسءُ چیریں ادارہ آئینءُ قانونءِ تہا بہ بنتءُ کار بہ کن انت۔ تیوگیں حلقہانی جاور حالاں بند کنگءِ واستہ نوکیں سرکارءَ امیت بستگ۔
رپورٹءَ اے گپءِ سرا ھم زور داتگ کہ قانون سازیءِ ذریعہءَ یک صوبہی انسانی حقانی کمیشنے جوڑ کنگ بہ بیت۔

کراچیءِ دمگ برنس روڈءَ سندھ ہائیکورٹءِ جج جسٹس مقبول باقرءِ گاڑیءِ نزیکءَ بمب تراک

کراچیءِ دمگ برنس روڈءَ سندھ ہائیکورٹءِ جج جسٹس مقبول باقرءِ گاڑیءِ نزیکءَ بمب تراکءَ 8 مردم بیران بوتگ انت۔ بیران بوتگینانی 1 رینجرزءُ 6 پولیس کارندہ ءُ جسٹس مقبول باقرءِ ڈرائیور ھم ھوار انت۔ تراکءَ بازیں مردم ٹپی بوتگ انت۔ سندھءِ شنگکاریءِ وزیر شرجیل میمنءَ 8 مردمانی بیران بوھگءِ تصدیق کتگ۔ پولیسءِ ردا برنس روڈءِ دمگ اردو بازار چوکءِ سرا تراک بوتگ۔ تراکءَ ہائیکورٹءِ سینئر جج جسٹس مقبول باقر ءِ گاڑی نشانگ جوڑ کنگ بوتگ۔ تراکءِ آسرا پولیسءِ مقابلہءُ 1 موٹر سائیکلے تباہ بوتگ۔ وھدیکہ یک پولیس موبائلے تاوان بھر بوتگ۔ وئیلءَ جسٹس مقبول باقر ٹپی بوتگءُ آ اسپتالءَ داخل کنگ بوتگ۔ آئیءِ جاور حطرہءَ چہ ڈن گشگ بوھگءَ انت۔ ڈی آئی جی امیر شیخءَ گشتگ تراک موٹر سائیکلءَ منڈ اتگیں بمبءَ چہ بوتگ۔ وھدیکہ بمب ڈسپوزل اسکواڈءِ گشگ انت
کہ تراک ریموٹ کنٹرول ڈیوائسءَ گوں کنگ بوتگ۔ دومی نیمگا صدر آصف علی زرداری، مزن وزیر نواز شریف برنس روڈ بمب تراک ترندیں لبزاں گوں ایر جتگ۔

کراچیءَ جسٹس مقبول باقرءِ گاڑیءِ نزیکءَ بمب تراک

کراچیءَ جسٹس مقبول باقرءِ گاڑیءِ نزیکءَ بمب تراکءِ حلاپءَ سندھ بار کونسلءَ آمید گسانی بائیکاٹءِ جار جتگ۔ سندھ بار کونسلءِ رہشون محمود الحسنءَ گشتگ آ جسٹس مقبول باقرءِ سرا ارشءَ ترندیں لبزاں گوں ایر جنیں ءُ تراکءِ حلاپءَ مروچی سندھ بار کونسلءِ نیمگا چہ سرجمیںءَ آمید گسی کارانی بائیکاٹ کنگ بیتءُ وکیل آمید گسءَ پیش نہ بنت

ڈیرہ بگٹیءُ سوئیءَ 8 بلوچانی کوشءِ حلاپءَ بی آر پیءِ جارءِ پدا بلوچستانءِ بازیں دمگاں ہڑتال

ڈیرہ بگٹیءُ سوئیءَ 8 بلوچانی کوشءِ حلاپءَ بی آر پیءِ جارءِ پدا بلوچستانءِ بازیں دمگاں ہڑتال کنگ بوھگءَ انت۔ اے دمگانی تہا کیچ، تمپ، مند ،گوادر، پنجگور، پسنیءُ مستونگءَ ابید بازیں دمگاں در بندیں ہڑتال کنگ بوھگءَ انت۔ اے درگتءَ سرکاری ءُ در سرکاری ادارہ بند انت۔
وھدیکہ تیوگیں مالیاتیءُ بیپاری بنجلاں ابید ٹریفکءِ نظام ھم مھتل انت

ایم کیو ایم یو کے ءِ نیمگ ءَ برطانیہ ءِ مزن وزیر ءِ لوگ ءِ دیما زھر شانی درشان کنئگ بوتگ

کراچی ءَ ایم کیو ایم ءِ سندھ اسمبلی ءِ باسک ساجد قریشی ، آئی ءِ بچ ءُ ایم کیوایم اے دگہ باسکانی کوش ءِ ھلاپ ءَ ایم کیو ایم یو کے ءِ نیمگ ءَ برطانیہ ءِ مزن وزیر ءِ لوگ ءِ دیما زھر شانی درشان کنئگ بوتگ زھرشانی کنوکانی دستاں الطاف حسینءُ کشگ بوتگیں باسکانی عکس ءُ پلے کارڈ بوتگ انت۔ اے درگت ءَ زھرشانی کنوکاں گوں سینیٹر نسرین جلیل، رابطہ کمیٹی ءِ باسک طارق جاوید، مصطفے عزیزآبادی ءُ اے دگراں تران کنان ءَ گشتگ کہ پاکستان ءَ ایم کیو ایم ءِ رہشونءُ باسکانی کوش یکشلہ برجاہ انت ءُ کشندہاں دزگیر کنوک نیست انت ۔
اے گپ ءَ چہ پدر بوہگ ءَانت کہ پاکستان ءَ ایم کیو ایم ءَ حلاپ ءَ ریاستی آپریشن کنئگ بوگ ءَ انت۔ آہاں انسانی حقانی گل ءُ میان استمانی برادری ءَ گوں دزبندی کتگ کہ ایم کیو ایم ءِ حلاپ ءَ بووکیں زوراکی ءِ حلاپ ءَ توار چست بہ کن انت۔

کوئٹہ ءِ دمگ قمبرانی روڈ ءَ کچرا کنڈی ءَ تراکے بوتگ بلے تراک

کوئٹہ ءِ دمگ قمبرانی روڈ ءَ کچرا کنڈی ءَ تراکے بوتگ بلے تراک ءَ ھچ وڑیں جانی تاوان نہ بوتگ۔ پولیس ءِ ردا قمرانی روڈ ءَ ناشناسیں مردماں سیکورٹی فورس ءِ گاڑی نشانگ جوڑ کنئگ ءِ واستہ کچرا کنڈی ءَ تراکناکیں مواد کل کتگ کہ ترندیں تراک ءَ گوں ترک اتگ بلے تراک ءَ کمیں وھد پیش سیکورٹی فورس ءِ گاڑی گوستگ ۔

کراچیءَ تیر گواری ءُ نشانگی کوشانی رد برجاہ انت

کراچیءَ تیر گواری ءُ نشانگی کوشانی رد برجاہ انت۔ تیر گواری ءِ نوکیں وئیلاں 2 مردم بیرانءُ یکے ٹپی بوتگ ۔ پولیسءِ ردا ڈیفنس ءَ پولیس تھانہءِ نزیکءَ سلاہ بندیں ملزمانی تیر گواریءَ چہ یک مردمے بیران بوتگ۔ پولیس تھانہءِ نزیکءَ بوھگ ءَ ابید ملزم تچگءُ روگءَ سوبمند بوتگ انت۔ تیرگواری ءِ دگہ یک وئیلےءَ یک مردمے بیران بوتگ ۔

پاکستان ءَ یوکرائن ءِ سفیر ءَ گشتگ کہ گلگت بلتستان ءَ سیاحہانی کوش ءَ آ سک دلپددرد انت

پاکستان ءَ یوکرائن ءِ سفیر ءَ گشتگ کہ گلگت بلتستان ءَ سیاحہانی کوش ءَ آ سک دلپددرد انت ءُ امید انت کہ پاکستان سرکار وئیل ءِ زمہ واراں سکیں سزا دنت۔ اسلام آباد ءِ پمز اسپتال ءَ رسانک درا گوں تران کنان ءَ آئی ءََ گشتگ کہ سیاحہانی کوش ءَ یوکرائن ءِ مھلوک ھم دل گیر انت ۔ پاکستان ءُ یوکرائن ءِ نیام ءَ نزیکیں سیادی است انت۔

اٹارنی جنرل آف پاکستانءَ سرکاری موقف آمید گسءَ پیش کتگ

پرویز مشرفءِ حلاپءَ غداریءِ مقدمہءِ چلائینگءِ واستہ کیسءِ گوشدارگءِ نیامءَ اٹارنی جنرل آف پاکستانءَ سرکاری موقف آمید گسءَ پیش کتگ۔ بنشونءِ ردا اٹارنی جنرلءَ اے درگتءَ گشتگ کہ آرٹیکل6ءِ حلاپ ورزی کنوکیں مردم قانونءِ کٹہراءَ آرگ بیت۔ اے درچءَ پارلیمنٹءِ قرار داد ھم موجود انت۔ قانونءِ حاکمیءِ معیارءِ سرا بھیسہ داریں۔

مزن وزیر نواز شریفءَ گشتگ جمہوریتءَ پاکستانءِ سلامتی انت

مزن وزیر نواز شریفءَ گشتگ جمہوریتءَ پاکستانءِ سلامتی انت۔ قومی اسمبلیءَ گشتانک دیانءَ نواز شریفءَ گشتگ کہ ملکءَ آمرءُ جمہوریتءِ نیامءَ گرءُ چل بوتگ۔ سیاسی گلءُ دانشوراں جمہوریتءِ بیرک جہل بوھگءَ نیشتگ۔ 12 اکتوبرءَ ھم شب حون جنئگ بوتگ۔ وھدیکہ 3 نومبرءَ ھم در آئینی گامگیجے زورگ بوتگ۔ کہ ایشیءِ آمید گسءِ ججانی در قانونی حکم نامہ ءِ ذریعہءَ دارگ بوتگ۔ بلے نوں پرویز مشرفءَ اے گامگیجءِ پسو دئیگی انتءُ آئینءِ پروشگءِ جوابدہ انت۔ آئیءَ گشتگ پرویز مشرفءِ حلاپءَ آئینءِ آرٹیکل 6ءِ ردا غداریءِ مقدمہءَ چلائینیت۔ اے درچءَ اٹارنی جنرلءَ سرکاری موقف آمید گسءَ پیش بوتگ۔

نوکیں نہاد ئَ پیٹرول 99کلدار 70پیسہ ڈیزل 104کلدار بوت

 شاہ میدگیں ئِ پیسلہ ئَ جی ایس ٹی کم کنگ بوت پمیشا پیٹرول ئِ نہاد کم بوت

اسلام آباد وزارت ئِ تیل ئَ وتی جتا جتائیں مصنوعات چیزانی سرا نہاد کم کت اے ردا جارکا گد جاڈی کت۔زاہ میدگیں ئِ پیسلہ ئَ جی ایس ٹی کم کنگ بوت ۔پمیشا تیل ئِ نہاد کم کنگ بوت۔ نوکیں نہاد انی تہا پیٹرول 99کلدار ،70ڈیزل 104کلدار ،ہانی آکٹین 133کلدار 95پیسہ ،ڈیزل 104کلدار ئُُ گاستیل 93کلدار ئُُ لائٹ ڈیزل نوکیں نہاد 98کلدار اِنت سی این جی 46پیسہ ئَ کم کنگ بوت اَنت۔

کراچی پاکستان ئِ پاکستان کراچی ئِ انچوپہ دیم دل ئُُ سیرین نہ اِنت بگندھے پورٹ ہست ئُُ ٹیکس دنت

 چوہدری نثار باز کراچی ئِ تنکا سرا اِنت کہ کراچی ئِ امن ئُُ ایمنی ئِ رازے اِنت

کراچی ئَ پاکستان ئُُ پاکستان ئَ کراچی ژند ژول ئُُ زردگ کتگ ئُُ یلہ دتگ ۔کارچی پاکستان ئِ انچوں پہ دیم دل ئُُ سیرین نہ اِنت بگندھے تورٹ ئُُ آئی ئِ ٹیکس آں پاکستان ئِ دل ئُُ سرین بوتگ ۔مرچی اگاں پنجاب ئِ کار جاہہ آباد ئُُ کار اَنت دراھیں امگیں مال ئُُ اسباب کراچی پورٹ ئَ درکا اَنت پنجاب ئِ کار جاہاں روانت ئُُ سرباں ۔کراچی ئَ جون ئِ پتار اِنت حوناں سراجماں کراچی سہرت سُہر کتگ ۔ھروچ 20جون دگانی سرا تلام اَنت ۔جودھری نثار کہ انوگیں نواز شریف سرکار ئِ تہہ ئُُ توکی وزیر ا،نت کراچی ئَ سک باز تنکار سر کتگ کہ چوں بکنت کراچی امن ئُُ ایمنی دوراں برجاہ بے مانیت ئُپ کراچی پدروژ نائیانی شہر بہ بیت ۔قومی اسمبلی ئَ تران کنان چودھری نثار گشت کراچی ئَ یک نا بگندھے بازیں ماضیائے وتی نف ئُُ سیتانی جل ئُُ جوپ ئَ حون ئُُ موت ئِ بازار گرم کتگ ایشانی ھلاسی کراچی ئِ امن ئُُ ایمنی ئِ مانزمانی اِنت ماجوناں چاراں ما آہانی جتگیں تیراں چاراں ماہانی آوار جتگیں پشدر یں قصہ ئُُ رازاں چاراں پراآہانی ھلاپ ئَ ایکشن الم زاراں بلے چود ھری نثار اے مافیازانی طاقت ئُپ ھائی ئَ سرپد نہ اِنت ھست اِنت پاکستان ءِ جنجالیں مہلوک ئُُ کراچی ئِ ٹپیگیں مہلوک ئَ پہ دپ وش کنگ ئَ اِنت چیا کہ گپ وا ھرکس وش وشیں جنت بلے کراچی امن ئُُ ایمنی ئِ کپوت ئَ دیریں کراچی ئَ بال کتگ پی پی سندھ ئِ سرکار کہ آئی ئِ سروک قائم علی شاہ اِنت 5کراچی ئِ برباد کت کراچی سرجم ئَ گشندہانی دستاں دات انوں پدا زرداری ھمے قائم علی سروکی ئَ سرکار ھڈ دات موت کراچی ئِ دگانی ناچ ئُُ بادشاھی کنگ ئَ اِنت باہدیں قائم علی شاہ ئُُ چوہدری نثار ئِ لوٹ ئُُ کار پہ کراچی ئَ یک بباں کراچی ئَ ایمنی ئَ اگاں یک ے بگشیت شیرمنی اَنت دوئمی بگشیت روغن بزاں کراچی 2جون ئِ کپگ ئِ کم تری ئِ واب ئََ مہ گند اِت اے شہر ھمے وڈازوال بیت داں کدی ۔

بیپار پیٹرول پمپ،سی این جی پمپ ،اسکول، کالج ،ٹرانسپورٹ ئُُ بنک بند

چکاس دارگ بوت اَنت 8گاڈی ماندارگ بوت کراچی ئَ ترس بھیم وداِت

کراچی متحدہ قومی مومنٹ ئِ نیمگ ئَ آئی ئِ سندھ اسمبلی ئِ باسک ساجد قریشی ئُُ کوش ھلاپ ئَ زی کراچی ئَ ئُُ حیدر آباد ئَ سر جم ئَ دربند ھڑتال کنگ ۔ سھب ئِ سرا شیر ئِ دکان بیکری ئُُ ھوٹل کمے پچ اننت بلے رندا بند کنگبوت اَ نت وہدیکہ مہلوک ئِ ٹرانسپورٹ دگاں چہ گار اَت سی این جی ئُُ پیٹرول ئِ بندی ئِ سوب ئَ مہلوک ئَ باز جنجال پیش اتک رکشہ ئُُ ٹیکسیاں باز زر مسافر اں چہ لوٹ اِتگ ۔وہدیکہ بازیں جاگہاں بس ئُُ کوچانی جاگہ ئَ ٹک ج،سوزکی ئُُ چنگ چی مردماں وتی وتی منزلئَ سر کنگ ئَ اتنت کراچی ئَ دراھیں ملک ئَ راہوکیں بس ئُُ کوچ درنیا اتکاں وہدیکہ وفاقی اردو شاہ دربر جاہ ،جناہ شاہ دربر جاہ ،ٹیکنیکل بورڈ ئِ دراھیں چکاس مہتل کنگ بوت اَنت ۔شہر ئِ نہ وتی ئَ سیکورٹی ترند اَت رینجر ز ئُُ پویس ھند ھند ئَ اوشتاتگ 8گاڈیماندارگ بوت روچ پہ روچ کراچی ئَ ترس ئُُ بیم دگ ئَ اِنت۔

قلعہ سیف اللہ وت کش تراک

کنوک پجارگ ئَ نادراھ جاہ ئَ ایراِنت

کوئٹہ قلعہ سیف اللہ ئَ گوستگیںروچ ئَ بم تراکوت کش ئِ جون کوئٹہ ئِ نادراھ جاہ ئَ پہ پجاری ئ۔ آرگ بوت اے وت کش تراک کنوک وتی ھما نشانگ ئَ راوگ ئَ اَت

وڈھ یوفون وبال جان بوت

وڈھ وڈھئَ یوفون ئَ وتی گیراک سک باز جنجال لتگ اَنت مردم رابطہ ئَ وڈھ سک باز پریشان اَنت دو ٹاور کار اَنت بلے سنگلز نیست اِنت۔

تا کبند کر کینک ئے چنو لانچ بوھگ ئَ اِنت

 پیشکان تاکبند کر کینک کہ بلو چی زبان ئِ جوانیں تاکبند ئے چنو لانچ بوھگ ئَ اِنت ھمے زوتاں زوت نہادی ئَ کیت وانو کانی دستاں بیت بلو چی زبان ئِ نیشہ کار ئُ شاعر اں دزبند ی اِنت کہ وتی نکانا ں اے ڈس ئُ نشان ئِ سرار وان بد یاں بلوچی لبزانکی مجلس پیشکان۔

تربت ئِ شہر ھڈکئی

کچک ئَ چہ مان پچ اِتگ

تربت شہر میونسپل کمیٹی ئُُ لوکل گورنمنٹ ئِ بے توکلی ئَ تربت شہر ھڈکئی کچک سک باز اِ نت مردم ھڈکی کچکانی بازی ئَ ئُُ دپ جنئگ ترکر اتگاں تربت مہلوک ئَ لوٹ کتگ بائدیں انتظامیہ اے کچکانی کشئگ ئَ زوت ئُُ تیزیں گام گیج بزوریت

وڈھ یوفون وبال جان بوت

 وڈھ (این این آئی)وڈھئَ یوفون ئَ وتی گیراک سک باز جنجال لتگ اَنت مردم رابطہ ئَ وڈھ سک باز پریشان اَنت دو ٹاور کار اَنت بلے سنگلز نیست اِنت۔

کراچی سیٹیٹ بنک ئِ جو ائنٹ ڈائریکڑدراتک

3آوار جن بیران پولیس ئَ ابراھیم حید ری ئَ علاو الدین اچکزئی در گیتک

کراچی (آئی این پی ) کراچی ئَ سی پی ایل سی ، اے وی سی سی ئُ پولیس ئِ ھمراھی ئَ ابراھیم حیدری ئَ ارش کت اسیٹیٹ بنک ئِ جوائنٹ ڈائر یکڑ درگینگ۔ سی پی ایل سی چیف ئِ رداسی پی ایل سی اے وی سی سی ئُ ابراھیم حیدری ئَ آوار جنو کانی نند گ ئِ جاگھاں ارش کت اودااسیٹیٹ بنک ئِ جوائنٹ ڈائر کیڑ علاوالدین اچکزئی درکت علاوالدیں اچکز ئی 5جون ئَ ماڈی چور ئَ آوار جنگ بوتگ ئُ آئی ئَ چہ 5کروڈ کلدار زرپہ تعاوان لوٹ اِتگ اے ارش ئَ 3آوار جن پولیس ئِ تیر گواری مرت اَنت۔

دوماہ ئَ تر وکی وامانی ھلاسی ئِ وعدہ ئَ پیلو کنا ں اسحاق ڈار

کھاد ئِ دیگ ئِ 23ارب کلدار ئِ سبٹڈی ئِ ھم جارے جت ۔ قو می اسمبلی ئَ تران

اسلام آباد بنجاھی وزیر ئِ ہزانگ اسحاق ڈار ئَ گشتگ دو ماہئَ تروکی وامانی ھلاسی ئِ وعدہ ئَ پیلو کناں کھاد ئِ دیگ ئِ 23ارب کلدار سبٹڈی ھم دیگ بیت 30مئی ئَ325ارب کلدار تر ہوکی وام دیگ با ں ۔ انکم سپورٹ پر وگرام 40ارب ئَ چہ گیش کتگ نو ں 75ارب کلدار دیگ بیت آئی ئَ گشت دیمروئی ئِ حرچ ئُ درچ 540ارب کلدار ئَ چہ گیش کنگ بوتگ اَنت نو کیں پروگرام ورناہاناں مزن وزیر ورنا پروگرام ئَ ،ہاوسنگ فنا نس ، کسان کسانیں وام ئُ وانگ ئِ فیس سپورٹ ھم ھوار اَنت۔

اید ھی نادراھ جاہ ئَ داخل جاورے گہتر اَنت

گٹگ ئِ نادراھ اِنت ،ڈائلیسز کنگ ئَ اِنت ۔ جارچین

کراچی (جھگیر) چاگردی رہشون ئُ ایدھی ناونڈیشن ئِ سروک عبدالستار ایدھی بازروچ ئے بیت کہ ایس آئی یو ٹی نادراھ جاہ ئَ وتی علاج ئَ کنگ ئَ اِنت۔ نادراھ جاھے بن شون ئِ مردا عبدالستار ایدھی گٹگ ئِ نادراھ اِنت ئُ طبیب آئی ئَ ڈائلیسز کنگ ئَ اِنت ایدھی ئِ جاور کمے گہتر اَنت ۔ ھفتگے 3یاچاررنداآئی ئِ گٹگانی ڈائلیسز بیت۔

متحدہ قومی موومنٹءِ صوبہی اسمبلیءِ باسک ساجد قریشی بچءَ ھوار تیر گواریءَ چہ بیران بوتگ

ِمتحدہ قومی موومنٹءِ صوبہی اسمبلیءِ باسک ساجد قریشی بچءَ ھوار تیر گواریءَ چہ بیران بوتگ۔ پولیسءِ ردا متحدہ قومی موومنٹءِ پی ایس 103ءَ چہ قومی اسمبلیءِ گچین بوتگیں باسک ساجد قریشی وتی بچءِ ہمراہیءَ نارتھ ناظم آبادءَ مسیتءَ چہ در آھگءَ بوتگ کہ ڈنءَ ساریءَ چہ چیر ٹپ اتگیں مردماں آئیءِ سرا تیر گواری کتگ۔ چر ایشیءَ ساجد قریشیءُ آئیءِ بچ سک ٹپی بوتگ انت کہ آ اسپتالءَ برگ بوتگ انت۔
بلے نیم راہءَ آہاں ٹپانی درد نہ سگ اتگءُ ساہ داتگ۔ وھدیکہ تیر گواریءَ رند سلاہ بندیں مردم جستگ انت۔

متحدہ قومی موومنٹءِ صوبہی اسمبلیءِ باسک ساجد قریشی بچءَ ھوار تیر گواریءَ چہ بیران بوتگ

جمعہ,21 جون 2013 ِ متحدہ قومی موومنٹءِ صوبہی اسمبلیءِ باسک ساجد قریشی بچءَ ھوار تیر گواریءَ چہ بیران بوتگ۔ پولیسءِ ردا متحدہ قومی موومنٹءِ پی ایس 103ءَ چہ قومی اسمبلیءِ گچین بوتگیں باسک ساجد قریشی وتی بچءِ ہمراہیءَ نارتھ ناظم آبادءَ مسیتءَ چہ در آھگءَ بوتگ کہ ڈنءَ ساریءَ چہ چیر ٹپ اتگیں مردماں آئیءِ سرا تیر گواری کتگ۔ چر ایشیءَ ساجد قریشیءُ آئیءِ بچ سک ٹپی بوتگ انت کہ آ اسپتالءَ برگ بوتگ انت۔

بلے نیم راہءَ آہاں ٹپانی درد نہ سگ اتگءُ ساہ داتگ۔ وھدیکہ تیر گواریءَ رند سلاہ بندیں مردم جستگ انت۔

- See more at: http://vshnews.tv/H15scroll1.html#sthash.ojP4JvrX.dpuf

واجہ مبارک قاضی ئِ گسئِ سرا دستی بم ارش کنگ بوتگ

پسنی پسنی ئِ جاہ منند ئُُ بلوچی زبان ئُُ بلوچستان ئِ مزن نامیں راجی شاعر واجہ مبارک قاضی ئِ گسئِ سرا دستی بم ارش کنگ بوتگ ہالانی رد ئَ اے ارش سوبی مہلہ دستی بمباں گوں کنگ بوتگ اے بمب ارش ئَ چہ واجہ مبارک قاضی ئِ لوگ بانک ئُُ ڈاکٹر قمبر مبارک ئِ مات ٹپی بوتگ ئُُ لوگ ئِ یک بھرے تیوگا تباہ بوتگ۔ واجہ مبارک قاضی ئِ لوگ بانک ئَ ھمے دمان ئَ پسنی نادراہ جاہ ئَ پہ درائی ئِ ھاترا برگ بوتگ ئُُ پولیس ئَ بمب آماچیں جاگہ ئِ سرا چار ئُُ ٹپاس ئَ ابید پٹ ئُُ پول بنا کتگ۔ اے ویل ئَ پد پسنی ئِ تیوگیں مہلوک ئَ ابید جتا جتائیں زانتکار، ادبی گل ئُُ بلوچستان ئِ سیاسی گلاں اے ارشی ئَ را ترندی ئَ گوں ایر جتگ ئُُ واجہ مبارک قاضی اے ارش ئَ چہ رکتگ ئُُ جوڑ ئُُ سلامت انت، یاد بہ بیت کہ واجہ مبارک قاضی ئِ لوگ ئِ کش ئَ SHOپسنی ئِ جاہ منندیں لوگ انت کہ ھودہ 24 کلاک ئَ سیکورٹی اوشتاتگ واجہ مبارک قاضی ئَ گشتگ کہ بم ارش ئَ وھدے منی لوگ بانک ٹپی بوتگ گڑا من وہدے ایم ڈی فش ہاربر ئَ چہ گاڑی لوٹتگ دانکہ وتی لوگ بانک ئَ نادراہ جاہ ئَ سر بہ کناں بلے ایم ڈی ئَ گاڑی ہم نہ دات ئُُ دیم پہ تربت ئَ رہادگ بوتگ۔

پاکستان ئَ درسان چہ گیش نیز گاری بلوچستان ئَ اِنت

کراچی  پاکستان ئِ آبادی ئِ36.79درسدنیزگاری ئِ لکیر ئَ چہ جہل زند گواز ینگ ئَ اَنت ملک ئِ مزنیں شہراں 26.41درسدئُ کسانیں شہراں 47.88درسد ئُ متیگاں 37.31نیزگاریئِ لکیرئَ چہ جہل زند گواز ینگ ئَ اَنت۔پاکستان ئَ غریبی ئِ کسانئَ زانگ ئَ مزنیں شہر لاہور، راولپنڈی، فیصل آباد، ملتان، گواجہ نولہ، سردگوھا، سیالکوٹ، بہاوپور، اسلام آباد ،کراچی ،حیدرآباد، سکھر، پشاورئُ کوئٹہ ھوار کنگ بوتگاں غریبی کسانئَ زانگ ئَ گیش غریبی بلوچستانئِ کسان کسانیں متیگئُ ہنداں گندگ بہت وھدیکہ نیزگاریئَ دوئمی نمبر خیرپختوانخوائِ کنت حسابی ئَ بلوچستانئِ بنجاہ کوئٹہ ئُ دگے ہند 62.26درسد غریبی گندگ بوتگ سندھئِ غریبی ئِ کساس 54.96اِنت۔

ُپاکستان مہاجر اناں باھوٹی دئیوگیں جہان ئِ مستریں کلیں 40لکھ افغان مہاجراں پاکستان ئَ باھوٹی دزتگ

اسلام آباد پاکستان دنیائِ یکیں ملک اِنت کہ آئی ئَ درستاں چہ گیش مہاجاناں باھوٹی داتگ ۔افغانستان ئَ سوویت یونین دارش ئَ پد 40لکھ مہاجراں پاکستان ئَ باھوٹی دزتگ بلے افغانستان ئِ جاورانی گہتر بوہگ ئَ ابید ھم مہاجت تنی وھدی پاکستان ئَ نشتگاں ئَ آہاں وتی لوگ جوڑکتگ ۔دنیا ئَ مہاجرانی میان استمانی روچ ئِ ادا پاکستان یک جتایئیں ستار کے داریت 1979.ئَ افغانستان ئَ سویت فوجی دست مانجی ئَ پد پاکستان ئَ لکھانی حساب مہاجر وتی ھوٹ کتگاں ،34سال گوزگ ئَ پد مرچی 16لکھ رجسٹر ڈ افغان مہاجریں اَنت ئُُ بے رجسٹر یں 10لکھ نیست ۔بلوچستان ئَ افغان مہاجرانی کچ ئُُ کساس دولکھ ئُُ سندئَ 80ہزاراِینت۔

دکی ،سیکورٹی فورسز ئِ راکٹ گواری ھال

جانی تاوان نہ بوت ناشرکار تنک اَنت

دکی بلوچستان ئِ ھند دکی ئَ چہ ناشناسیں مردمانی نیمگ ئَ چہ جتگیں راکٹ ئِ دو گولہ سیکورٹی فورسز ئِ چیک پوسٹ ئَ نزیک ئَ کپت ئُُ ترندیں تراکے گوں تراک ات اَنت۔ پدئَ ھم جانی تاوان ءِ ھال نہ رستگ ۔اے ویل گوستگیں شپ ئَ بوتگ سیکورٹی فورسز ئِ پسسوی تیر گواری چہ ناشرکار تتک اَنت۔

تحصیل پسنی ئِ بلوچ شاعر مبارک قاضی ئِ لوگ ئِ سرا دستی بمب ئِ سرا ارش

چرے ویل ئَ آئیئِ لوگ بانک زَدگ بوت....، ما اے ویلئَ ایر جنیں، ڈاکٹر مالک

کوئٹہ بلوچستان ئِ ھند تحصیل پسنی بلوچ شاعر مبارک قاضی ئِ لوگ ئِ سرا دستی بمب ارش ئُُ ویل ئِ سوب آئی ئِ لوگ بانک ٹپی بوت بلوچستان ئِ سروزیر ڈاکٹر مالک بلوچ ئَ ویل ایر جتگ ئُُ اے ویل ئِ پٹ ئُُ پول ئُُ ڈوبہ دارانی دزگیر کنگ ئِ حکم جاری کتگ ضلع گوادر ئِ تحصیل پسنی ئِ فش ہار بر کالونی ئَ پجانیار تگیں مردماں بلوچی زبان ئِ مزن نامیں شاعر ئُُ لبزانت مبارک قاضی ئِ لوگ دستی بمب ئِ دوردات بمب کہ لوگ ئَ لپیت زوریں تراکے بوت آئی ئِ سوب یک لوگ ئِ سرجم ئَ کپت ئُُ آئی ئِ لوگ بانک ٹپی لوت ئُُ آینی ئِ نادراھ جاہ برگ بوت۔

پیشکان لبزانکی مجلس ئَ پیشکان ئِ نیمگ ئَ مبارک قاضی ئِ لوگئَ بمب تراک ئَ ایر جت

پیشکان پیشکان لبزانکی مجلس ئَ نیمگ ئَ بلوچی زبان ئِ مزن مانیں شاعر واجہ مبارک قاضی ئِ لوگ ئَ بمب تراک ترندی گوں ایر جتگ پیشکان لبزانکی مجلس کارمستر عاعف محمود نائب کار مستر شاہ زیب گل مزن کارگشاد ماجد شاد ئُُ پریس سیکریٹری فدافائز کارگس سیکر یٹری فاروق فضاچہ ربیدگے باسکاں ھم اے دیل ایر جتگ ۔

کماش وزیر بلوچستان ئِ سروکیئَ کابینہئِ ھاسیں دیوان

 دیوانئَ صوبائی زرام2013-14ئِ منظوری دیگ بوت

 کوئٹہ کماش وزیر بلوچستان ڈاکٹر عبدالمالک بلوچ ئِ سروکیئَ پنچ شمبےئِ روچئَ کماش وزیر سیکرٹریٹ ئَ زرام منظوری ئَ پہ کابینہئِ ھاسیں دیوان بوت آئی تہئَ صوبائی زرام2013-14 ئِ منظوری دیگ بوت زرام دیوانئَ کماش کاردار بلوچستان بابر یعقوب فتح محمد ‘ زرمبارئِ کاردار دوستین جمالدینی ئَ ھور دگہ مزنیں واکداراں بھر زرت‘ زرامئِ منظوری ئَ رند زرام کاگدانی سرئَ کماش وزیر ڈاکٹر عبدالمالک بلوچ ئَ دزنام جت

بلوچستانئَ198.395 بلین کلدارئِ 2013-14ئِ صوبائی زرام اسمبلیئَ آرگ بوت، زرامئِ تہئَ43-913بلین کلدارئِ دیمرئی زرام ھور انت

 آئی تہئَ کمک 3.931بلین انت‘ بے دیمرئی زرام 154-482 بلین کلدار صوبائی کارندھانی پگارانی تہئَ15 و10 درصد گیشی

 بلوچستان مزنشھدربرجاہ ئِ یک کیمپس خضدارئَ اڈ کنگ بیت انت300 نوکیں بنداتی برجاہ اڈ کنگ بنت‘300 بنداتی دربرجاھاںئَ میانجی و150 میانجی دربرجاھاںئَ برز دربرجاہ ئِ بستار دیگ بیت

کوئٹہ بلوچستانئِ کماش وزیر ڈاکٹر عبدالمالک بلوچ ئَ مروچی بلوچستان اسمبلیئِ ھاسیں دیوانئَ بلوچستانئِ سال2013-14 ئِ زرام دیمئَ آورت۔ نوکیں مالی سال ئِ ھاترئَ198.395 بلین کلدارئِ ایر کنگ بوتگ آئی تہئَ43.913 بلین کلدار ئِ دیمرئی زرام ھور انت‘ وھدیکہ دری کمکئِ بھر3.931 بلین کلدار انت امبرانیں سال‘ ئَ بے دیمرئی زرام154.482 بلین کلدار ئیگ انت‘ آئی تہئَ ریونیو ھرچ 117.348 بلین ھور انت صوبہئِ وتی وسیلہاں چہ کٹ3.467 بلین کلدار انت کل کٹ 190.453 بلین کلدار نت سال2013-14 ئَ پہ زرام تاوان7.942 بلین بیت مالی سال2013-14 ئِ پی ایس ڈی پیئِ کساس43.913 بلین کلدار انت آئی تہئَ وانگ جاندراھی امن و ایمنی آپ واری رو آ و آپ و توان ئَ را بستار دیگ بوتگ ھمے وڑئَ وانگ ئَ پہ ایریں زر4.22 درصدئَ چہ گیش کنگ 23.12 درصد و جاندراھیئِ2.63 درصد ئَ گیس کنگ 9.21 درصد کنگ بوت صوبہئِ وانگ و جاندراھی ئِ پگار پیلہ کنگ ئَ پہ سے نوکین درمانشھدربرجاہ اے زرامی بھر انت بولان میڈیکل کالج ئَ را یونیورستی ئِ بستار دیگ بیت انت بلوچستان کشاری شھدربرجاہ کوئٹہئَ را مزنشھدربرجاہ ئِ بستار دیگ ‘ بلوچستان مزنشھدربرجاہ ئِ یک کیمپس خضدارئَ اڈ کنگ بیت انت300 نوکیں پرائمری دربرجاہ اڈ کنگ بنت‘300 بنداتی دربرجاھاں ئَ میان دربرجاہ ئِ بستار دیگ بیت150میاں دربرجاہ ئَ برز دربرجاہ ئِ بستار دیگ یت ‘ بولان درمانشھدربرجاہ ئَ را مزنشھدربرجاہ ئِ بستار دیگ بیت انت بلوچستان درمان مزنشھدربرجاہ اڈ کنگئَ چہ جاندراھی کارگل ئَ جتا کنگ بیت انت اے مزنشھدربرجاہ ئِ وانگ ہسپتال بی ایم سی سول ہسپتال شیخ زید ‘ہیپلرز و چلنڈرن ہسپتال ھور انت آﺅکیں مالی سال2013-14 ئَ امن و ایمنی ئِ ھاترئَ بے دیمرئی زرام16.236 بلین ایر کنگ بوتگ بیمکاریئِ ھلاسی ئَ پہ سی آئی ڈی ئَ زانتکاریں انٹیلی جنس کارسر بھرتی کنگ بنت‘ آﺅکیں مالی سال ئَ دیمرئی مراگش ئِ ردئَ سر بز بلوچستان پروگرام بنا کنگ بیت انت پہ آئیئَ یک ارب کلدار ایر کنگ ئِ سفارش کنگ بوتگ ‘ سبی ‘ قلات‘ جعفر آباد‘ بارکھان‘ قلعہ سیف اللہ ‘ ڈھاڈر‘ نوشکی و آوارانئَ کشاری ورکشاپ اڈ کنگ بنت‘ آھانی سرئَ160 ملین کلدار ئِ ھرچ کیت ‘ آﺅکیں مالی سالئَ دگانی سرئَ کل267 اسکیماں پہ کل 8.171 بلین کلدار گیشینگ بوتگ ۔ سال2013-14 ئَ ماھی کشی کارگل ئِ ھاترئَ1.483 بلین کلدار گیشینگ بوتگ‘ بے قانودیں ماھورئِکارمرد و ٹرالنگ ئِ سرئَ سرجمیئَ بندش جنئگ بیت گوادر ‘ پسنی ‘ و اوماڑہ ئِ ماھیگانی پیکنگ ئَ پہ گام زورگ بیت‘ گوادرو لسبیلہ ئَ 3 ارب ئِ ھرچئَ ماھی کشاںئَ تیاب تان نہادی دگئِ منصوبہ 300 ملین کلدارئِ ھرچ ئَ اوماڑہ و ڈامئَ ریسرچ سنٹر اڈ کنگ بنت‘ بلوچستانئِ شھرو کلگی علاقہاں نندوکیں مردماںئَ ورگی سپاھیں آپ پجارینگ ئِ ھاترئَ44برجاہ و ہشت نوکیں اسکیماں پہ2.380 بلین کلدارئَ چہ زیات زر اری کنگ بوتگ لسبیلہئَ ابید بوستان ‘ خضدار‘ کیچ ‘ پسنی‘ ئَ نوکیں کارجاھی ڈگار اڈ کنگئَ پہ گام زورگ بیت انت بنجاھی حکومت ئِ جارئِ تچکیئَ اولی جولائی2013 ئَ چہ صوبائی کارندھانی پگارانی تہئَ گریڈ یک تاں16ئِ کارندھاں پہ15درصد و گریڈ17چہ برز ئِ کارندھاں پہ 10درصد گیشی ئِ جار جنئگ بوتگ اے ردئَ4ارب 16 کلروڑ کلدار ھرچ بنت کارنشت کارندھانی پنشن ئَ ھم15درصد گیشیئِ صلاح انت‘ اے درگتئَ30 کروڑ70 لک کلدار ھرچ بیت انت

ڈرون بیڑانی معاملہئَ پاکستانئَ گوں ھبر ھال برجاہ انت‘ امریکہ

 امریکہ پاکستان و ھندوستان ئِ نیامئَ کمک صلاح ئَ ھبر ھالئِ مدام دلبڈیئَ کنت

 واشنگٹن امریکی دری کارگل ئِ گشندہ چن پسائیئَ گشتگ کہ ڈرون بیڑانی معاملہئَ پاکستان ئَ گوں ھبرھال برجاہ انت‘ امریکہ پاکستان و ھندوستان ئِ نیامئَ کمک صلاحئَ ھبر وھالئِمدام دلبڈیئَ کنت‘ کشمیرئِ باروا امریکہئِ ھبر ھچ بدل نہ بوتگ‘ امریکی دری کارگل ئِ زالبول گشندہ چن پسائیئَ احوالکاراں ئَ امریکہ و پاکستان ئِ نیامئَ کمک صلاح و ھبر ھال ئِ مدام دلبدی ئَ کنت‘ و کشمیر ئِ باروا کارانی وزیر جان کیریئَ وتی دزگٹی ئِ بنداس ئَ چہ وھدئَ رسگئَ گوں زوت پاکستانئِ تروتاب ئِِ ارادگ انت‘ گشندہئَ گشت کہ پاکستان و امریکہ وت ماوتی بستار ئِ دو نیمگی معاملہئَ ھور بے شک بیمکاری گردار و اے درگتئَ ھمگرنچی وڑیں اھمیں معاملاں ھبر کنگ لوٹ ایت ‘ ھمے ھاترئَ گیشتر وھدئَ پاکستانئِ تروتاب پہ جان کیری ئَ اہم انت‘ ما اے درگتئَ لتھیں اھمیں فیصلہ کنگ لوٹ ایں تاکہ پاکستانئَ زیات وھد گوازینت بہ کن ایں ڈرون بیرانی باروا جستئِ پسوئَ گشندہ ئَ انوگیں ایشیائی تروتاب ئِ وھدئَ نوکیں دہلیئَ ھندوستانئَ گوں علاقائی معملاں ھبر کنت یک دگہ جستےئِ پسوئَ آئیئَ گشت کہ ما پاکستان و ھندوستان ئِ نیامئَ کمک صلاح و ھبر ھالئَ را مدام وش آھت کتگ

ریا زرتگیں ٹکئَ پہ توان ئِ نہادانی تہا زوت گیشی سی این جی اسٹیشانی ئَ گیش پجارینگ کنگ بیت ‘ خواجہ آصف

 پاکستان تیل ئَ چہ 50 درصد توان ودی کنوکیں یکیں ملک انت توان اسکر و دگہ ذریعہئَ ودی کنگئَ بستار دے ایں ‘ تران

 اسلام آباد آپ و توانئِ بنجاھی وزیر خواجہ آصفئَ گشت کہ ریا زرتگیں ٹکئَ پہ توانئِ نہاد زوت ودینگ بیت سی این جی اسٹیشناں ئَ گیسئِ پجارینگ کمکنگ بیت انت وھدیکہ کد جوڑ کنوکیں کار جاھاںئَ ارزاں گیس پجارینگ ئِ ردئَ ھلاس کنگ بیت انت ھندوستانئَ چہ دو ہزار میگا واٹ توان بہا زورگ ئَ پہ ھبر وھال برجاہ انت نندی پور ہائیڈرل پروجیکٹ ئَ را 10 کروڑ کلدار رشوت نہ رسگئَ گوست ئَ دارگ بوتگ پاکستان جہاںئِ یکیں ملک انت کہ چہ دیلئَ50درصد توان ودی کنت دیمئِ دو سال توان تیلئِ بدلئَ اشکر و دگہ ذریعہاںئَ ودی کنگ ئَ را بستار دے ایں پنچ شمبےئَ توان تکئَ گھتریئِ درگتئَ دیوانئَ تران کنانئَ آئیئَ گشت کہ مزن وزیر دیمئِ 15 روچاں توان راھبند ئِ جا رجنت آئیئَ گشت کہ پاکستان جہاںئِ یکیں ملک انت وتی 50 درصد توان تیلئَ چہ ودی کنگئَ انت آئیئَ گشت کہ توانئِ تہئَ سالے 207 ارب کلدار ئِ سلکاری بوگئَ انت وھدیکہ توان کارگلانی 202 درصد تاوانئِ حساب رد انت توان چہ ایشیئَ زیات انت آئیئَ گشت کہ ھما تکان ئَ گیس پکار بیت انت آھاں گیس پجارینگ بیت ‘ سی این جی اسٹیشناں ئَ ایمنی ایف ڈی 500 گیس دار نہ بیت ‘ ایشرا کم کنگ بیت وھدیکہ کد جوڑ کنوکیں کار جاھاںئَ کم نہادئَ گیس دیگ بوگئَ انت‘ ایشی نہاد ودینگ بیت

21جون ئَ سہب ئِ دہ نیم ئَ زرام 2013-14 ئِ بابت ئَ پنت دیگ بیت

کوئٹہ سروزیر بلوچستان ڈاکٹر عبدالمالک مروچی آدینگ 21جون ئَ سہب ئِ دہ نیم بج ئَ سروزیر سیکریٹریٹ ئَ پد زرام 2013-14 ئِ بابت ئَ نپت رسانک درئُُ چھاپکاری رسانک در ئَ را سرپدی دنت۔

پی بی 40 نوشکی ئِ ووٹانی ھساب 21جون2013 ئَ بیت

کوئٹہ آمیدگس جوڈیشل مجسٹریٹ/ ریٹرننگ افسر نوشکی ئِ پریس ریلیز ئِ ردا پی بی 40 نوشکی ئِ ووٹانی ھساب ئِ روچ آدینگ21جون2013 سہب ئِ نو بج ایر کنگ بوتگ،امیت واراں بہر زورگ ئِ وھداں ھساب داد کنگ بیت انت،رسانک در ئَ داتگیں ھال ئِ ردا درائیں امیت وار وتی حاضری ئَ را سدکی بہ دیئنت۔ اگاں ناں گدا یک نیمگی کاروائی کنگ بیت انتئُُ نوٹس ئَ آسری نوٹس منگ بیت انت۔

نواب ثناءاللہ زہری ئَ پنچ شمبے ئِ روچ سرینا ہوٹل ئَ ڈاکٹر عبدالمالک بلوچ ئَ پُر مڈائیں سبارگے دات

سبارگ ئَ مسلم لیگ ن، مسلم لیگ ق، نیشنل پارٹی، عوامی پارٹی ئُُ دگہ پارٹیانی مردم ہم ہوار ات انت

کوئٹہ سنیئر صوبائی وزیر بلوچستان مسلم لیگ ن ئِ صوبائی صدر صوبائی پارلیمانی راہشونئُُ جھالاوان ئِ کماش نواب ثناءاللہ زہری ئَ پنچ شمبے ئِ روچ سرینا ہوٹل ئَ ڈاکٹر عبدالمالک بلوچ ئِ شرپ ئَ یک پُر مڈائیں سبارگے دات کہ اودا اسپیکر بلوچستان اسمبلی میر جان محمد جمالی ڈپٹی اسپیکر بلوچستان صوبائی اسمبلی میر عبدالقدوس بزنجو صوبائی وزیر نواب محمد خان شاہوانی ،صوبائی وزیر عبدالرحیم زیارتوال ،اے این پی ئِ صوبائی پارلیمانی راہشون زمرک خان اچکزئی،جمعیت علماءاسلام ئِ صوبائی اسمبلی ئِ باسک گل محمد دمڑ،مسلم لیگ ن ئِ صوبائی اسمبلی ئِ باسک میر عاصم کرد گیلو ،سردار صالح بھوتانی،نامداریں قبائلیئُُ سیاسی راہشون میر عرفان کرد،اکبر آسکانی،پشتونخوا میپ ئِ ڈاکٹر حامد اچکزئیئُُ ایندگہئُُ نیشل پارٹی ئِ راہشونانی تہا صوبائی باسک رحمت بلوچ،مسلم لیگ ق ئِ راہشوناں ہوار ایندگہ صوبائی اسمبلی ئِ باسک ،قبائلی وسان،شہری سرک،رسانک در ئِ جہگیرانی ہم یک مزنیں کساسے ئَ بہر زرت۔

آوارجتگیں محمد نبی گوں زنجیر اں بندوک

چاغی شش ماہ کوئٹہ ئَ چہ آوارجتگیں دیمپانی ئِ کارندہاں چہ دالبندین ئَ چہ درجتئُُ یک آوار کارئے ہم دزگیر کرت۔ہندی پولیس ئِ واکدارانی ردا اے کاروائی کوئٹہ ئَ چہ آﺅکیں اے ٹی ایف ئِ یک ھاسیں ٹولی ئے ئَ پولیس ئِ گون ئَ ہور ی ئَ گوں دالبندین ئِ علاقہ داﺅد آباد ئَ کرت کہ اودا یک گس ئے سرا چھاپہ جتئُُ آوارجتگیں محمد نبی ئَ را درجنگ بوت کہ آ گوں زنجیر اں بندوک ات وھدیکہ اودا یک مردمے علی اکبر ئَ را دزگیر کرت کہ ایشی ئِ بابت ئَ پولیس ئِ گشگ انت کہ آ ہم آوار کار ے۔اے درگت ئَ گیشیں پٹئُُ لوٹ دالبندین ئِ پولیس کنگ ئَ انت۔

دہ لکھ پناہ گیر خیبر پختونخواہ ئَ انت،ایشاں چہ ہپت لکھ پناہ گیر ایوک ئَ پشاور ئَ انت،جہانی ہوربند

1979 ئَ جنگولانی سرزمین اوگانستان ئِ سرا سویت یونین ئِ بیڑاں پد لکھانی ھساب ئَ اوگاناں پاکستان ئَ اتک

پشاور/اسلام آبادپاکستان ئَ اوگان پناہ گیر گوستگیں سے دھکاں چہ نندوک انت۔رسانک در اھوال ئِ ردا 1979 ئَ جنگولانی سرزمین اوگانستان ئِ سرا سویت یونین ئِ بیڑاں پد لکھانی ھساب ئَ اوگاناں پاکستان ئَ پناہ زرتگ۔ضیاءالحق ئِ سرکار ئَ اوگان پناہ گیران ئَ ہر دروشم ئِ کمک داتگروسی ارد ئِ در آیگ ئَ پد اوگان پدا وَ شت انت بلے گیشتر ہمد ے بوت انت۔پاکستان ئِ شہراں پشاور ئِ شمشتور،خزانہئُُ خراسان ئِ پناہ گیر کیمپاں تنیگہ داں ہزارانی ھساب کٹم آباد انت حیات آباد ئَ ہوار جتا جتائیں علاقہاں اے پناہ گیراں وتی گس ہم بہا زرتگ انت۔ٹپاسکارانی گشگ انت کہ اوگان پناہ گیرانی آیگ ئِ گون ئَ پاکستان ئَ کلاشنکوف کلچر اتکگ۔چرس،افیونئُُ ہیروئن ئِ شپوکی ہم چست بوتگ کہ ایشی ئِ سوب ئَ چہ ڈوھکاری ہم گیش وبوتگئُُ امنئُُ ایمنی ئِ جاور ھال ہم سک ھراب بوتگ انت۔اوگانستان ئَ ایمنی ئِ بودی ئَ پد جہانی ہوربند پہ پناہ گیری بودی ئَ اوگان جہمنندانی شرپداریں وڈئے ئَ ملک ئَ پد دیم دیگ بندات کرت بلے اے کار سک نزور ات ،ٹپاس کارانی گشگ انت کہ اوگان پناہ گیرانی پد دیم دیگ ئَ چہ نہ ایوک ئَ معیشت ئِ سرا سان اتکگ انت بلکہ بے ایمنی ئُُ ڈوھکاری ئَ ہم کمی اتکگ۔ادا جہانی ہوربندانی ھسابئُُ کتاب ئِ ردا دہ لکھ پناہ گیر خیبر پختون خوا ئَ دانت۔کہ ایشان چہ ہپت لکھ پناہ گیر پشاور ئَ انت۔بلوچستان ئَ اوگان پناہ گیرانی کساس سے لکھ انتئُُ سندھ ئَ ہشتاد ہزار انتوھدیکہ ہزارانی ھساب ئَ پنجاب ،گوریچانی علاقہئُُ ملک ئِ ایندگہ بہر اں شنگئُُ شانگ انت۔سیئُُ ہپت درسد پناہ گیر کیمپاں نندوک انت۔خیبر پختون خوا ئَ انچیں ہپتاد کیمپ است انت۔یواین ایچ سی آر ئِ ردا رزاکاریں پد دیم دیگ ئِ پروگرام ئِ ردا ہمے سال ہژدہ ہزار پناہ گیران ئَ پدا وطن ئَ دیم دیگ بوتگ وھدکہ 2002 ئَ چہ برجایں رزاکار پروگرام ئِ ردا 3.8 ملین پناہ گیر اوگانستان ئَ پدا دیم دیگ بوتگ انت پاکستان ئَ استیں پناہ گیرانی رجسٹریشن کارڈ ئِ وھد سی جون ئَ ہلاس بوئگ ئَ انت۔بلے پناہ گیرانی دائمی ئِ درگت ئَ چہ ہچ نوکیں پالیسی تنیگہ داں تچک کنگ نہ بوتگ۔درائیں وھدے ئَ داں لکھانی ھساب ئَ پناہ گیران ئَ جاہ دیوکیں پاکستان دنیا ئِ اولی ملک انت۔

اوگان صدر حامد کرزئی ئِ امریکی دری کارانی وزیر جان کیری ئَ گوں نزیکی

امریکہ ئِ اوگان سرکار ئَ را طالبان ئِ کارگس ئِ سیاسی بستار نہ کنگ ئِ سدکی

کابل اوگان صدر حامد کرزئی ئِ امریکی دری کارانی وزیر جان کیری ئَ گوں نزیکی کرت اوگان واکدارانی رد ئَ امریکہ ئَ اوگان سرکار ئَ را طالبان ئِ کارگس ئِ سیاسی بستار نہ کنگ ئِ سدکی دات۔اوگان واکدارانی سرپدی ئِ ردا اوگان صدر حامد کرزئی ئَ امریکی دری کارانی وزیر جا ن کیری ئَ را دوحہ ئَ طالبان ئِ کاگس ئِ درگت ئَ تکانسری ئَ چہ سرپد کرت۔کہ ایشی ئِ سرا امریکہ ئَ طالبان ئِ کارگس ئِ سیاسی بستار نہ منگ ئِ سدکی دات۔

دوحہ ئَ کارگس پہ درائیں اوگانانی ھاترا انت، طالبان

امریکہ ئَ گوں گپئُُ تران ئَ اوگانستان ئَ جنگ بندی ئِ گپ دیما کاانت

دوحہ قطر ئِ بندر دوحہ ئَ طالبان ئِ کارگس ئِ گشندہ ئَ گشتگ کہ آہانی کاگس پہ درائیں اوگانانی ھاترا انت،ئُُ امریکہ ئِ گون سہل ئُُ تران ئَ اوگانستان ئَ جنگ بندی ئِ سرھال ہم دیما بیت انت،اے ھبر دوحہ ئَ جوڈ کرتگیں طالبان ئِ کارگس ئِ گشندہ ڈاکٹر نعیم ئَ درملکی رسانک در ئَ گوں گپئُُ تران کنان ئَ گشت کہ جنگ بندی ئِ سرھال یک ئے بیت انت۔طالبان گشندہ ئَ اوگانستان ئِ ایمنی ئِ گپئُُ تران ئِ درگت ئَ برزی تک ئَ چہ سہلئُُ تران گپ دیما آران ئَ گشت کہ قطر ئِ کارگس درائیں اوگانانی ھاترا ۔کہ ہر کسے کہ کئیت انت آئی ئِ گون ئَ گپئُُ تران بیت انت،ڈاکٹر محمد نعیم ئَ گشت کہ امریکہ ئِ گون ئَ سہلئُُ تران ئَ ما وتی منصوبہ ئَ دیما ایر کنیںئُُ امریکہ وتی منصوبہ ئَ دیما ایر کنت ما وتی منصوبہاں یک دومی ئَ گش انت۔

امریکی پٹئُُ پولی ہوربند وتی ملک ئَ ہم سیاڑی بالی ئِ کارمرد ئَ کنگ ئَ انت

ایف بی آئی ئِ سروک ئَ راہبندئُُ پالیسیانی ھلاپ ورزی منتگ انت، امریکی رسانک در

واشنگٹن امریکی پٹئُُ پولی ہوربند ایف بی آئی ئَ وتی ملک ئَ ہم سیاڑی بالی ئِ کارمرد ئَ کنگ ئَ انت۔ایف بی آئی ئِ سروک ئَ راہبندئُُ پالیسیانی ھلاپ ورزی منتگ انت،ڈرون بیڑ ئِ کارمرد کدی کدی چارئُُ گدار ئِ مراداں پہ بیت انت ،امریکی سینٹ ئِ آمیدگسی کمیٹی ئِ دیما جستانی پسہاں دیان ئَ ایف بی آئی ئِ ڈائریکٹر رابرٹ مرلر ئَ من اتگ کہ آئی ئِ ایجنسی امریکہ ئِ تہا ابید پائلٹ سیاڑی بالیانی کارمرد ئَ انت سینٹ ئِ کمیٹی ئِ جست ئِ پدا ایف بی آئی ئِ ڈائریکٹر ئَ گشت کہ کہ امریکہ ئِ تہا ڈرون بالیانی کارمرد ئِ چارئُُ گدار کنگی بیت انت ئُُ ڈرون ئِ کارمرد باز کم بزاں کدی کدی کنگ بیت انت۔کمیٹی ئِ نیمگ ئَ چہ جست کرتگیں اے جست ئِ ایف بی آئی ئِ ڈائریکٹر ئَ جوانیں پسہ نہ دات کہ آیا اجنسی ئَ امریکی سرزمین ئِ سرا ابید پائلٹ ئِ بالی ئِ کارمرد ئِ ھاترا آپریشن ئِ جاہئُُ ہند گیشینتگ انت۔رابرٹ ئَ کمیٹی ئَ را گشت کہ اے درگت ئَ چہ ما انوں بنداتی وڈان انت بلے اے تچک کنگ لوٹاں کہ ڈرون ئِ کارمرد بازیں کسانیں تک ئے ئَ کنگ بوئگ ئَ انت، امریکی رسانک در ئِ رداایف بی آئی ئِ سروک ئِ منگ ئَ پد چارئُُ گداری ئِ سرکاری وڈئُُ راہبندئُُ ڈرون ئِ ملک ئِ تہا یا کہ ڈنی ملکاں کارمرد ئَ را رد گشوکیں پالیسیئُُ راہبند ئِ ھلاپ کنگ ئِ سرا السی تکانسری گیش بیت انت،اوباما انتزامیہ ئِ پالیسی ئِ درگت ئَ پدا چہ جست دیما کاہنت۔

متحدہ عرب امارات ئِ کمک ئَ، وانا تا انگور اڈہ ئِ 50کلومیٹر سڑک ئَ 3کروڑ ئُُ 80 لک ڈالر وارت

سڑکانی بندگ ئِ مول ملکاں گوں نزیکی اِنت، سڑک ئَ شیخ خلیفہ بن زاہد النہیان ئِ نام دیگ ئَ بیت

وانا/جنونی وزیرستان جنرل اشفاق پرویز کیانی ئَ گوشت کہ وھدے کوچگاں وشھالی کیت گڑا کس ہم ناشرکاریاں وت ئَ ھوار نہ کنت، فوج اے کوچگاں دیمروی واستہ ہر وڑیں گام چست کنت۔ جنوبی وزیرستان ئِ مردم پد ئَ وتی میتگاں بیا اَنت، ہمے ھیالانی درشانی آئی ئَ پاک افغان سرحد ئِ ٹکانی سیمی راہداری ئِ بندات ئِ وھد ئَ گوں مردماں کت۔ آرمی چیف ئِ ہمراہی ئَ متحدہ عرب امارات ئِ ڈل ھم گون ات۔ متحدہ عرب امارات ئِ کمک ئَ چہ وانا ئَ تا انگور اڈہ ئَ 50کلومیٹر ئِ سڑک ئَ 3کروڑ ئُُ 80 لک ڈالر ھرچ بوتگ۔ سیمی راہداری ئِ وانا ئَ تاں انگور اڈہ ئِ جوڑ کتگیں سڑک ئِ بندات جنرل کیانی ئَ کرت۔ اے رد ئَ جنرل ئَ گوشت کہ آئی ئَ چار ہفتگاں وزیرستان ئِ آپریشن سرجم کت ئُُ سڑکانی بندگ ئِ مول ملکاں گوں یک دومی ئَ نزیک کنگ انت۔ چریشی ئَ چہ ٹکاں سوبینی رسیت۔ آئی ئَ گوشت کہ وانا تا انگور اڈہ ئَ جوڑ بوتگیں سڑک ئَ شیخ خلیفہ بن زاہد النہیان ئِ نام دیگ ئَ بوگ ئَ اِنت